Имрӯз дар шаҳри Хуҷанд вакили Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ бо кормандону устодон ва донишҷӯёни Донишгоҳи давлатии ҳуқуқ, бизнес ва сиёсати Тоҷикистон мулоқот намуд.
Вакили Маҷлиси намояндагон роҷеъ ба амалишавии ҳадафҳои стратегии Ҳукумати Ҷумҳурии Тоҷикистон, боло рафтани сатҳи иқтисодӣ ва иҷтимоии ҷумҳурӣ, рушди соҳаи маориф, дастовардҳои даврони истиқлолият, ҳифзи оромӣ ва осудагии мамлакат ва хизмат ба халқу Ватан, пешгирии шомилшавии ҷавонон ба ҳизбу ҳаракатҳои экстремистиву террористӣ сухан гуфт.
Ҳамзамон номбурда перомуни такмили қонунгузории Ҷумҳурии Тоҷикистон дар замони Истиқлолияти давлатӣ ибрози андеша намуд.
Дар интиҳо чанде аз устодону донишҷӯён вобаста ба мавзуъ фикру андешаҳои хешро баён доштанд.
Дар мулоқот инчунин ректори донишгоҳ, муовини раиси шаҳри Хуҷанд, раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд иштирок намуданд.
Манбаъ: Маҷлиси намояндагони Маҷлиси Олии Ҷумҳурии Тоҷикистон