Соли 2022 дар вилояти Хатлон маблағгузорӣ ба рушди соҳаи иҷтимоӣ беш аз 2,1 миллион сомониро ташкил дод. Дар ин бора сардори Сарраёсати молияи вилояти Хатлон Ҳабибулло Иззатуллозода дирӯз зимни нишасти матбуотӣ иттилоъ дод.
Таъкид гардид, ки соли 2022 мабалағгузорӣ ба рушди соҳаи иҷтимоӣ, аз ҷумла маориф, тандурустӣ, фарҳанг, варзиш ва дигар бахшҳои хоҷагии халқи вилоят 86.2 фоизи маблағҳои буҷетӣ ё худ 2116.6 миллион сомониро ташкил дод.
Соли 2022 аз ҳисоби буҷети маҳаллӣ дар шаҳру ноҳияҳои вилояти Хатлон барои корҳои омодагӣ ба давраи зимистон ба соҳаи маориф 10.9 миллион сомонӣ ва соҳаи фарҳанг 1.5 милион сомонӣ ҷудо карда шуд, ки ин аз 102 то 105 фоизи нақшаро ташкил медиҳад.
Дар давраи ҳисоботӣ хароҷоти маблағҳои буҷети маҳаллӣ дар доираи иҷрои воқеии буҷет ба роҳ монда шуда, ба соҳаҳои хоҷагии халқи вилоят бо дарназардошти маблағҳои мақсадноки ҷумҳуриявӣ 2454.6 миллион сомонӣ равона гардидааст, ки 99 фоизи нақшаи хароҷоти буҷети маҳаллии вилоят мебошад.