Табибони тоҷик дар Ҷопон ва Эрон малакаи касбиашонро такмил медиҳанд.
Мутахассис-муҳандисони КВД «Тоҷиктибтаҷҳизот» А. Бузуруков ва А. Эшонов ба шаҳри Токиои Ҷопон сафарбар гардида, дар даври омӯзишӣ роҷеъ ба «Идоракунӣ ва нигоҳдории таҷҳизоти тиббӣ», ки аз 20 январ то 23 феврал баргузор мешавад, иштирок менамоянд.
Инчунин бо мақсади гузаштани такмили ихтисос ва баланд бардоштани савияи дониш мутахассисони Муассисаи давлатии “Пажӯҳишгоҳи илмии клиникии стоматологӣ ва ҷарроҳии ҷоғу рӯй», инчунин як гурӯҳ ҷарроҳони муассисаҳои тиббии ҷумҳурӣ аз 12 январ то 20 апрели соли 2023 ба шаҳри Машҳади Ҷумҳурии Исломии Эрон сафарбар гардиданд.
Мавриди тазаккур аст, ки дар доираи ҳамкории мутақобилан судманди Ҳукумати Ҷумҳурии Тоҷикистон бо давлатҳои ҷаҳон табибони тоҷик донишу малакаи касбии хешро дар хориҷа такмил медиҳанд.
Манбаъ: Маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон