Имрӯз, 26 январ дар шаҳри Ҳисор марҳилаи муқаддамотии Ҷоми Федератсияи футболи Тоҷикистон дар мавсими соли 2023 оғоз мешавад.
Дар марҳилаи муқаддамотии Ҷоми Федератсия-2023 дар минтақаи Душанбе ҳашт даста ширкат мекунанд.
Ба гурӯҳи «А» дастаҳои «Истиқлол», «Регар-ТадАЗ», «Кӯктош» ва «Равшан»-и Кӯлоб шомиланд. Дар гурӯҳи «В» дастаҳои КМВА, «Шодмон», «Душанбе» ва «Барқчӣ» бозӣ мекунанд.
Ҳамаи бозиҳои марҳилаи муқаддамотии минтақаи Душанбе дар Варзишгоҳи марказии Ҳисор баргузор карда мешаванд.
Пас аз ҷамъбасти даври гурӯҳӣ аз ҳар гурӯҳ ду даста ба қисми ниҳоии Ҷоми ФФТ-2023, ки моҳи феврал баргузор мешавад, роҳ меёбад.
Аз вилоятҳои Суғду Хатлон дудастаӣ ба марҳилаи ниҳоии Ҷоми федератсия-2023 роҳхат мегиранд.
Бояд гуфт, ки имсол фонди умумии ҷоизаҳои Ҷоми ФФТ 100 ҳазор сомониро ташкил медиҳад. Ғолиб ба ҷуз аз ҷом 50 ҳазор сомонӣ мукофотпулӣ мегирад. Барандагони медалҳои нуқра бо 30 000 сомонӣ ва медалҳои биринҷӣ бо 20 000 сомонӣ мукофотонида мешаванд.
Ҷоми ФФТ-2023
Марҳилаи муқаддамотӣ. Минтақаи Душанбе
Гурӯҳи «А»: «Равшан», «Регар-ТадАЗ», «Истиқлол», «Кӯктош».
Гурӯҳи «Б»: КМВА, «Шодмон», «Душанбе», «Барқчӣ».
Даври 1
Гурӯҳи «А»
26 январ (панҷшанбе)
11:00 – «Равшан – «Кӯктош»
14:30 – «Регар-ТадАЗ» – «Истиқлол»
Гурӯҳи «Б»
27 январ (ҷумъа)
11:00 – КМВА – «Барқчӣ»
14:30 – «Шодмон» – «Душанбе»
Даври 2
Гурӯҳи «А»
29 январ (якшанбе)
11:00 – КМВА – «Барқчӣ»
14:30 – «Шодмон» – «Душанбе»
Гурӯҳи «Б»
30 январ (душанбе)
11:00 – «Барқчӣ» – «Душанбе»
14:30 – КМВА – «Шодмон»
Даври 3
Гурӯҳи «А»
1 феврал (чоршанбе)
11:00 – «Регар-ТадАЗ» – «Кӯктош»
14:30 – «Истиқлол» – «Равшан»
Гурӯҳи «Б»
2 феврал (панҷшанбе)
11:00 – «Шодмон» – «Барқчӣ»
14:30 – «Душанбе» – КМВА
Эзоҳ: Ҳама бозиҳо дар Варзишгоҳи марказии Ҳисор баргузор мешаванд.