18 ноябр дар Вазорати фарҳанги мамлакат бо иштироки ҳайати Ҷопон мулоқот доир гардид. Зимни вохўрӣ Вазири фарҳанги Ҷумҳурии Тоҷикистон Зулфия Давлатзода ва Сафири Фавқуллода ва Мухтори Ҷопон дар Тоҷикистон Тошиҳиро Аикӣ Ёддошт ва Созишномаро ба имзо расониданд.
Ёддошт лоиҳаи грантӣ буда, барои «Беҳтар намудани таҷҳизоти нигаҳдорӣ, рақамикунонӣ ва истифодаи китобҳои Муассисаи давлатии Агентии миллии рақамгузории стандарти байналмилалии китоб «Хонаи китоби Тоҷикистон» равона мегардад.
Созишнома низ дар ин самт равона шуда, аз ҷониби Зулфия Давлатзода ва роҳбари намояндагии Агентии Ҷопон оид ба ҳамкории байналмилалӣ (JICA) дар Тоҷикистон Такасака Мунео ба имзо расонида шуд.