10 ноябр дар шаҳри Ашқобод даври навбатии машваратҳои сиёсӣ миёни вазоратҳои корҳои хориҷии Тоҷикистон ва Туркманистон баргузор гардид.
Ҳайати Тоҷикистонро муовини Вазири корҳои хориҷӣ Содиқ Имомӣ ва ҳайати Туркманистонро муовини Вазири корҳои хориҷӣ Вепа Ҳоҷиев роҳбарӣ карданд.
Зимни машваратҳо тарафҳо оид ба ҳолати кунунӣ ва дурнамои муносибатҳои дуҷониба дар соҳаҳои сиёсӣ, иқтисодӣ, ва ҳуқуқӣ мубодилаи афкор намуда, омодагии худро ҷиҳати тақвияти ҳамкории судманд дар чаҳорчӯби созмонҳои байналмилалӣ, такмили заминаи ҳуқуқии ҳамкорӣ, тавсеаи робитаҳои тиҷоратию иқтисодӣ, инчунин рушди робитаҳои нақлиётӣ миёни ду кишвар изҳори назар карданд.
Ҷонибҳо ҳамчунин аҳамияти идомаи муколамаи муқарраршуда дар сатҳҳои гуногунро барои диверсификатсияи минбаъдаи ҳамкории судманд, ки ҷавобгӯи манфиатҳои тарафайн мебошад, таъкид намуданд.