Федератсияи байналмилалии футбол (ФИФА) ва Ассотсиатсияи Иттиҳодияи футболи Аврупо (УЕФА) баргузории бозии дӯстона миёни дастаҳои мунтахаби футболи Россия ва Тоҷикистонро тасдиқ намуд.
Ёдовар мешавем, ки 17 ноябр дар Варзишгоҳи марказии ҷумҳуриявии шаҳри Душанбе бозии дӯстонаи дастаҳои мунтахаби Тоҷикистон ва Россия баргузор мегардад.
Иҷозат барои ташкили бозӣ аллакай дода шуда, натиҷаи вохӯрӣ ҳангоми ҳисоб кардани рейтинги ФИФА ба инобат гирифта мешавад. Дар ин бозӣ дастаҳо метавонанд 6 ивазкунӣ анҷом диҳанд.
Вохӯрӣ соати 20:00 оғоз шуда, тариқи шабакаҳои телевизионии «Варзиш» ва «Футбол»-и Тоҷикистон, инчунин шабакаи «Матч ТВ»-и Россия ба таври мустақим намоиш дода мешавад.