8 ноябр вохӯрии Сафири Ҷумҳурии Тоҷикистон дар Ҷумҳурии Туркия Ашрафҷон Гулов бо Мудири кулли Агентии иттилоотии «Анадолу»-и Туркия Сердар Карагоз доир шуд.
Зимни вохӯрӣ ҷонибҳо вобаста ба масъалаҳои мавриди таваҷҷуҳи тарафайн мубодилаи афкор намуда, зарурати тақвияти ҳамкориро миёни ВАО-и Тоҷикистон ва Туркия таъкид карданд.
Хотирнишон месозем, ки миёни Агентии миллии иттилоотии Тоҷикистон «Ховар» ва Агентии иттилоотии Ҷумҳурии Туркия «Anadolu Ajansi» лоиҳаи Созишнома дар бораи ҳамкории тарафайн, ки бо қарори Ҳукумати Ҷумҳурии Тоҷикистон дастгирӣ ёфтааст, барои имзо омода гардидааст.