-10.6 C
Tajikistan
Monday, December 5, 2022

Сироҷиддин Муҳриддин дар шаҳри Шарм-уш-Шайхи Миср дар нишасти матбуотии пешвоёни Эътилофи обу иқлим иштирок намуд

8 ноябр дар шаҳри Шарм-уш-  Шайхи Ҷумҳурии Арабии Миср Вазири корҳои хориҷии Ҷумҳурии Тоҷикистон Сироҷиддин Муҳриддин дар нишасти матбуотии пешвоёни Эътилофи обу иқлим, ки дар ҳошияи Конфронси 27-уми тарафҳои Конвенсияи СММ оид ба тағйирёбии иқлим (СОР27) баргузор гардид, иштирок намуд.

Вазири корҳои хориҷӣ зимни суханронӣ саҳми ташаббусҳои байналмилалии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар пешбурди масъалаҳои обу иқлим дар рӯзномаи ҷаҳонии рушд ва ҳалли ҳамгироёнаи онҳо зикр карда, аҳаммияти пешниҳоди навбатӣ оид ба эълон кардани соли 2025 ҳамчун Соли байналмилалии ҳифзи пиряхҳоро ҷиҳати такон бахшидан ба андешидани тадбирҳои дастҷамъона ва татбиқи амалҳо ба хотири ҳифзи пиряхҳо таъкид намуд.

Ҳамчунин таъкид гардид, ки дар доираи талошҳои муштарак барои омодагӣ ба Конфронси оби СММ, ки 22-24 марти соли 2023 дар шаҳри Ню-Йорк бо мизбонии Тоҷикистон ва Нидерланд баргузор мегардад, ҳамбастагии обу иқлим ба ҳайси яке аз мавзӯъҳои асосии Конфронс пешниҳод шуда, он мавриди пуштибонии ҳамагон қарор гирифтааст.

Ин мавзӯъ дар меҳвари таваҷҷуҳи Павилиони Тоҷикистон ва Павилиони об дар ҳошияи Конфронси Шарм-уш-Шайх қарор гирифта, то баргузории Конфронси оби СММ ташкили чорабиниҳои зиёди алоҳида ба нақша гирифта шудааст.


Дар фарҷом Пешвоёни Эътилофи обу иқлим паёми худро ба пешсафони миллӣ ва сарони кишварҳои иштирокдори иҷлоси бисту ҳафтуми Конфронси ҷонибҳои Конвенсияи қолабии СММ оид ба тағйирёбии иқлим (СОР27) ироа намуданд.

Инчунин дар он Мудири кулли Созмони ҷаҳонии ҳавошиносӣ Петтери Таалас ва вазири захираҳои об ва обёрии Ҷумҳурии Арабии Миср Ҳани Севилам иштирок ва суханронӣ намуданд.

Бояд тазаккур дод, ки Эътилофи обу иқлим дар нишасти сеюми худ дар Душанбе моҳи июни соли ҷорӣ дар доираи Конфронси дуюми оби Душанбе Нақшаи амали пешвоёни Эътилофро тасдиқ карда, он 6 иқдому ташаббуси мушаххасро барои мусоидат ба суръат бахшидан ба амалҳо дар ин самт дар бар мегирад.

Манбаъ: ВКХ ҶТ /АМИТ «Ховар»

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....