-10.6 C
Tajikistan
Monday, December 5, 2022

ГАРДИШИ МОЛ 40% ЗИЁД ШУД. Имрӯз Душанбе мизбони ҷаласаи навбатии Комиссияи байниҳукуматии Тоҷикистон ва Россия оид ба ҳамкории тиҷоратию иқтисодӣ гардид

Имрӯз дар шаҳри Душанбе  ҷаласаи 18-уми Комиссияи байниҳукуматии Ҷумҳурии Тоҷикистон ва Федератсияи Россия оид ба ҳамкории тиҷоратию иқтисодӣ баргузор гардид.

Зимни ҷаласа аз робитаҳои мутақобилан судманди дуҷониба натиҷагирӣ ва барои равнақ додани робитаҳо ҳавасмандӣ зоҳир карда шуд.

Кори ҷаласаи 18-уми Комиссияи байниҳукуматии Ҷумҳурии Тоҷикистон ва Федератсияи Россия оид ба ҳамкории тиҷоратию иқтисодӣ дар ҳайати маҳдуд оғоз гардида, сипас дар ҳайатҳои васеъ идома намуд.

Ҷаласа таҳти раёсати Сарвазири Ҷумҳурии Тоҷикистон Қоҳир Расулзода ва муовини Раиси Ҳукумати Федератсияи Россия Алексей Оверчук доир гашт.

Ҷонибҳо зимни натиҷагирӣ аз робитаҳои дуҷониба равнақи ҳамкориро ба сиёсати созандаи Сарони ҳарду давлати ба ҳам дӯст — Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Россия муҳтарам Владимир Путин марбут донистанд.

Давоми 9 моҳи соли 2022 нисбат ба ҳамин давраи соли 2021 гардиши мол байни Тоҷикистону Россия 40 фоиз зиёд шудааст. Санадҳои ҳуқуқии имзошуда ва нақшаҳои мушаххаси ҷонибҳо гардиши тиҷоратро байни ду давлат бозҳам таҳким хоҳанд бахшид.

Зимни мулоқоти ҳайатҳо қабл аз ҳама таваҷҷуҳ ба роҳандозии ҳарчи бештари имкониятҳои истифоданашуда дар самти тиҷорату иқтисод зоҳир гардид. Энергетика, саноат, гумрук, кишоварзӣ, геология, авиатсия ва маориф дар меҳвари мулоқоти ҷонибҳо қарор гирифтанд. Барои бунёди корхонаҳои муштарак дар самти нассоҷӣ, коркарди маҳсулоти кишоварзӣ ва канданиҳои фоиданок ҳавасмандӣ зоҳир карда шуд.

Фазои муносибатҳои дӯстона байни ду давлат ва шарикии стратегӣ имкониятро барои таҳкими робитаҳо таъмин намудааст.

Таъкид шуд, ки ба имзо расонидани барномаи ҳамкорӣ байни Тоҷикистону Россия дар самти тиҷорату иқтисод барои солҳои минбаъда рушди робитаҳоро таъмин мекунад.

Ҷаласаи 18-уми Комиссияи байниҳукуматии Ҷумҳурии Тоҷикистон ва Федератсияи Россия оид ба ҳамкории тиҷоратию иқтисодӣ дар фазои дӯстона доир гашта, дар ҳамин доира барои равнақи робитаҳо дар самту соҳаҳои гуногун байни ду давлат заминагузорӣ карда шуд.

Дар охир аз ҷониби Сарвазири Ҷумҳурии Тоҷикистон Қоҳир Расулзода ва муовини раиси Ҳукумати Федератсияи Россия Алексей Оверчук қарорҳои дахлдор ба имзо расонида шуд.

Манба: АМИТ «Ховар»

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....