-10.6 C
Tajikistan
Monday, December 5, 2022

ЧЕМПИОНАТИ ОСИЁ ОИД БА БОКС. Баҳодур Усмонов ва Муҳаммад Аброриддинов ба нимфинал роҳ ёфтанд

Варзишгарони тоҷик Баҳодур Усмонов ва Муҳаммад Аброриддинов дар Чемпионати Осиё оид ба бокс, ки дар шаҳри Аммони Урдун идома дорад, ба нимфинал роҳ ёфтанд.

Ёдовар мешавем, ки аз 1 то 7 ноябр муҳорибаҳо дар даврҳои муқаддамотӣ ва чорякфинал аз рӯи 13 категорияи вазнӣ миёни мардҳо ва 10 категория миёни бонувон баргузор шуданд. Бо натиҷагирӣ аз даврҳои муқаддамотӣ ду варзишгари мо- Баҳодур Усмонов дар вазни -63,5кг ва Муҳаммад Аброриддинов дар вазни +92кг ба нимфинал роҳ ёфтанд.

Баҳодур Усмонов дар даври аввал бар варзишгари Кувайт Нодир Бадрон, дар даври дуюм бар намояндаи Тайиланд Сомчай Вонгсуван, дар чорякфинал бар варзишгари Туркманистон Хурсанд Имонқулиев пирӯз гардид. Ӯ 10 ноябр дар нимфинал бо варзишгари Ҳиндустон Шива Тапа вомехӯрад.

Муҳаммад Аброриддинов сабқатро аз даври чорякфинал оғоз карда, бар намояндаи Сурия Муҳаммад Млайес пирӯз шуд. Ҳарифаш дар нимфинал намояндаи Қазоқистон Камчибек Конкабаев мебошад. Ин муҳориба низ 10 ноябр доир мегардад.

Мавриди зикр аст, ки 8 варзишгари дигарамон – Руҳафзо Ҳақназарова дар вазни то 50кг дар чорякфинал аз варзишгари Ҷопон Намики Тсукими, Миҷгона Самадова дар вазни то 57кг дар даври аввал аз намояндаи Тайпей Ю-Тинг Лин, Шоира Зулқайнарова дар вазни то 60кг пас аз ғалаба бар варзишгари Ҷопон Танака Ринка дар даври аввал дар даври дуюм аз намояндаи Тайпей Шин-Йӣ Ву, Хусравхон Раҳимов дар вазни то 57кг, ки дар даври аввал озод буд, дар даври дуюм аз варзишгари Тайпей Ченг-Вей Ли, Абдумалик Болтаев дар вазни то 75кг пас аз пирӯзӣ бар намояндаи Сурия Аҳмад Ғоссон дар даври дуюм аз варзишгари Узбекистон Саидҷамшид Ҷаъфаров, Шаббос Негматуллоев дар вазни то 80кг дар даври аввал аз намояндаи Ҳиндустон Лакша Чаҳар, Наврӯз Ҷафоев дар вазни то 86кг дар чорякфинал аз намояндаи Қазоқистон Сагиндик Тогамбай ва Давлат Болтаев дар вазни то 92кг дар чорякфинал аз варзишгари Урдун Аҳмад Сулаймон мағлуб гардида, аз идомаи сабқатҳо бенасиб монданд.

Манбаъ: Кумитаи миллии олимпии Тоҷикистон

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....