-12.6 C
Tajikistan
Thursday, December 8, 2022

Хизматчиёни давлатии Тоҷикистон дар Ҷопон фарҳанги миллати тоҷикро муаррифӣ карданд

5 ноябр дар Донишгоҳи Хиросимаи Ҷопон бахшида ба Рӯзи ифтитоҳи «Мактаби олии рушд ва ҳамкории байналмилалӣ» ҳамоиши фарҳангӣ – фароғатӣ баргузор шуд, ки дар он хизматчиёни давлатии Тоҷикистон иштирок намуданд.

Ҳамасола чун анъана дар моҳи ноябр бахшида ба Рӯзи кушодашавии «Мактаби олии рушд ва ҳамкории байналмилалӣ» бо иштироки ҳайати професорон, омӯзгорон ва кормандони раёсати донишгоҳ, донишҷӯён, магистрон ва докторантон аз мамлакатҳои гуногуни олам, ки дар Донишгоҳи Хиросимаи Ҷопон таҳсил мекунанд барномаи фарҳангӣ-фароғатӣ дар шароити мутантан баргузор карда мешавад. Чун анъана, дар он донишҷӯён аз ҳар давлати ҷаҳон бо пешниҳоди таомҳои миллӣ ва барномаҳои фарҳангӣ мамлакати худро муаррифӣ менамоянд.

Дар ин ҳамоиш аввалин маротиба аз ҷониби хизматчиёни давлатӣ аз Вазорати корҳои хориҷии Ҷумҳурии Тоҷикистон Сазовор Муродов, Аминҷон Пиров, Фарибо Идибекзода, аз Вазорати меҳнат, муҳоҷират ва шуғли аҳолии Ҷумҳурии Тоҷикистон Солеҳ Аскарзода, Рустамҷон Умаров, аз Вазорати маориф ва илми Ҷумҳурии Тоҷикистон Баҳодур Мирзоев бо пешниҳоди таомҳои миллӣ, намунаи дастдӯзиҳо ва ҳунарҳои мардумӣ фарҳанги миллии таърихии миллати тоҷикро бо пешниҳоди маълумоти зарурӣ дар бахши имконияти сайёҳии Ҷумҳурии Тоҷикистон миёни намояндагони мамлакатҳои гуногуни олам муаррифӣ намуданд. Хизматчиёни давлатии Ҷумҳурии Тоҷикистон хӯроки миллӣ- «Оши палав»-ро, ки ҳамчун хӯроки миллии хоси миллати тоҷик аз ҷониби ЮНЕСКО қабул шудааст, пешниҳоди иштирокчиён намуданд.


Дар ҳамоиш донишҷӯён, магистрон ва докторантон аз кишварҳои Амрико, Олмон, Голландия, Чин, Малайзия, Индонезия, Шри-Ланка, Бангладеш, Африқо, Мозамбик, Уганда, Миср, Эрон, Афғонистон, Покистон, Ҳиндустон, Қирғизистон, Лаос, Филиппин, Ветнам, Муғулистон, Ҷопон, Бутан ва Непал иштирок доштанд.

Хӯрокҳои пешниҳоднамудаи Тоҷикистон бо тамъ ва лаззати нотакрорашон ба тамоми иштирокчиён писанд омада, аз ҷониби раёсати донишгоҳи Хиросимаи Япония низ барои иштироки фаъол баҳои баланд дода шуд. Масъулини донишгоҳ иброз доштанд, ки дар таърихи баргузории ин чорабинӣ бори аввал аст, ки намояндагони Ҷумҳурии Тоҷикистон иштирок мекунанд ва он миёни дигар кишварҳо олитарин ҳисобида мешавад.

Мавриди зикр аст, ки ин хизматчиёни давлатӣ дар доираи ҳамкории Агентии хизмати давлатии назди Президенти Ҷумҳурии Тоҷикистон бо Маркази ҳамкории байналмилалӣ ва Агентии Ҷопон барои таҳсил дар солҳои 2022-2024 дар доираи бурсияҳои ҷудогардида ба донишгоҳҳои бонуфузи Ҷопон фиристода шуданд.

Манбаъ: Агентии хизмати давлатии назди Президенти Ҷумҳурии Тоҷикистон/АМИТ «Ховар»

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....