-2.9 C
Tajikistan
Thursday, March 30, 2023

Сарвазири Тоҷикистон Қоҳир Расулзода аз корхонаҳои саноатии ноҳияи Дарвоз боздид намуд

Дар доираи сафари корӣ ба ноҳияи Дарвоз Сарвазири Тоҷикистон Қоҳир Расулзода аз Парки технологӣ — инноватсионии ноҳияи Дарвоз дидан кард.

Иттилоъ дода шуд, ки дар заминаи парки мазкур ду гармхонаи замонавӣ ташкил шудааст, ки дар яке парвариши помидор ва дар дигаре меваҳои ситрусии лимӯ ва мандарин ба роҳ монда шудааст.

Ҳамзамон зикр гардид, ки ҳамасола аз гармхонаҳои замонавӣ ҳосили хуб рӯёнида шуда, содирот мегардад.

Дар ин ҷо меҳмонон инчунин бо фаъолияти коргоҳи истеҳсоли маҳлулҳои доруворӣ шинос гардиданд, ки дар давраи пандемияи «Ковид-19» антисептик истеҳсол мекард. Ҳоло корхона маҳсулоти доруворӣ омода менамояд ва дар он таҷҳизоти технологӣ аз давлатҳои пешрафтаи ҷаҳон ворид ва васлу насб шудаанд.

Зимни шиносоӣ Сарвазири мамлакат ва ҳайати ҳамроҳонаш аз коргоҳи истеҳсоли обҳои ташнагишикани «Помир Аква» низ боздид карданд.

Зикр шуд, ки дар ин коргоҳ оби чашма коркард ва ба хориҷи кишвар содирот мешавад. Дар парки замонавӣ истеҳсоли кулоҳҳои сохтмонӣ, коркарди асал, коркарду бастабандии меваю сабзавот, аз қабили нӯшокии хуч, инчунин афшураи меваю сабзавот, ки ҷавобгӯйи меъёрҳои байналмилалӣ мебошад, ба роҳ монда шудааст. Дар ин ҷо ҳамчунин истеҳсоли равғани ангат роҳандозӣ гардидаст. Дар шаш корхонаи Парки инноватсионию технологии Дарвоз беш аз 26 номгӯй маҳсулоти ватанӣ тавлид мешаванд. Ҳоло дар ин ҷо беш аз 70 нафар сокинони ноҳияи Дарвоз ба кор ҷалб шудаанд.

Дар саҳни иншоот маҳсулоти истеҳсолии корхонаҳо ба намоиш гузошта шуданд, ки ҳайати меҳмонон аз маҳсулоти ватанӣ дидан намуда, ба чунин ташаббуси наҷиб баҳои арзанда доданд.

Дар ошёни дуюми Парки инноватсионӣ се таҷҳизоти ҷадиди истеҳсоли ширкатҳои кореягӣ барои омода кардани мутахассисони талаботи бозори меҳнат, аз қабили таъмиргари нақлиёти автомобилӣ, кафешгари газию барқӣ, дараҷаи шашум, ронандаи мошинҳои гаронвазн, ба монанди булдозер, экскаватор насб гардидаанд.

Зимни муаррифии лоиҳаҳои ҷадид иттилоъ дода шуд, ки минбаъд дар заминаи Парки технологӣ ‐ инноватсионӣ истеҳсоли панелҳои офтобӣ роҳандозӣ мегардад.

Дар доираи ҳамкории судманди ширкатҳои кореягӣ бо Вазорати саноат ва технологияҳои нави Ҷумҳурии Тоҷикистон ба Сарвазири мамлакат тариқи маҷозӣ имконияти ҷорӣ кардани технологияи пешрафта дар истеҳсолот рӯнамоӣ карда шуд.

Сарвазири мамлакат Қоҳир Расулзода аз фаъолияти корхонаҳои Парки технологӣ ‐ инноватсионӣ изҳори қаноатмандӣ намуда, ҷиҳати истеҳсоли маҳсулоти ба содирот нигаронида дастуру супоришҳои мушаххас дод.

Сарвазири мамлакат ҳамчунин аз корхонаҳои саноатии ҶДММ «Меваҳои Бадахшон», «Карон пласт», корхонаи банду басти маҳсулоти макаронӣ, коркарди санг, боғи фарҳангӣ ‐ фароғатии «Вамар — Ленд» дидан намуд.

Манбаъ: МИҲД ВМКБ/АМИТ «Ховар»

Latest news

Гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ сафар намуд

Дирӯз гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ, ки дар...

Бо дастури Президенти Тоҷикистон барои бартарафсозии оқибатҳои заминларза Комиссияи ҷумҳуриявӣ таъсис дода шуд

Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти роҳбарии Сарвазири мамлакат Қоҳир Расулзода Комиссияи...

Дар қаламрави Тоҷикистон заминларза ба амал омад

Имрӯз, 23 март, соати 01:07 ба вақти маҳаллӣ дар қаламрави Ҷумҳурии Тоҷикистон заминларза ба қайд гирифта шуд. Дар ин хусус АМИТ «Ховар»...

Суханронии Президенти Ҷумҳурии Тоҷикистон Эмомалӣ Раҳмон дар чорабинии канории «Харитаи роҳ барои соли 2025: Соли байналмилалии ҳифзи пиряхҳо»

22.03.2023, Иёлоти Муттаҳидаи Амрико Муҳтарам Дабири Кулли Созмони Милали Муттаҳид,Муҳтарам иштирокдорони чорабинӣ,Хонумҳо ва ҷанобон, Пеш...

Related news

Гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ сафар намуд

Дирӯз гурӯҳи кории Ҳукумати Ҷумҳурии Тоҷикистон таҳти роҳбарии Сарвазири мамлакат Қоҳир Расулзода ба мавзеи офати табиӣ дар ноҳияи Кӯҳистони Мастчоҳ, ки дар...

Бо дастури Президенти Тоҷикистон барои бартарафсозии оқибатҳои заминларза Комиссияи ҷумҳуриявӣ таъсис дода шуд

Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти роҳбарии Сарвазири мамлакат Қоҳир Расулзода Комиссияи...

Дар қаламрави Тоҷикистон заминларза ба амал омад

Имрӯз, 23 март, соати 01:07 ба вақти маҳаллӣ дар қаламрави Ҷумҳурии Тоҷикистон заминларза ба қайд гирифта шуд. Дар ин хусус АМИТ «Ховар»...

Суханронии Президенти Ҷумҳурии Тоҷикистон Эмомалӣ Раҳмон дар чорабинии канории «Харитаи роҳ барои соли 2025: Соли байналмилалии ҳифзи пиряхҳо»

22.03.2023, Иёлоти Муттаҳидаи Амрико Муҳтарам Дабири Кулли Созмони Милали Муттаҳид,Муҳтарам иштирокдорони чорабинӣ,Хонумҳо ва ҷанобон, Пеш...