Варзишгари тоҷик Муллораҷаб Халифаев дар рӯзи якуми мусобиқаи «Baku Grand Slam 2022» оид ба дзюдо дар вазни то 66 кг барандаи медали нуқра гардид.
Дар роҳи расидан ба ин медал Муллораҷаб Халифаев бар варзишгарони Мексика, Венесуэла, Узбекистон, Сербия ва Муғулистон пирӯз шуд.
Дар даври финалӣ Муллораҷаб Халифаев бо намояндаи Молдова –Денис Виеру қувваозмоӣ кард. Дар ҷараёни рақобат ҳар ду варзишгар фаъол буданд ва ба ҳамдигар иҷозаи ба осонӣ соҳиб шудани имтиёзро намедоданд. Ҳамин тавр, тақдири ин рақобатро шидо ҳал кард. Ҷудокори кишвари мо дар раванди рақобат 3 шидо гирифт ва соҳиби нишони нуқра шуд. Нишони тиллоӣ вазни то 66 кг насиби Денис Виеру аз Молдова гардид.
Ғолибони вазни то 66 кг
1. Денис Виеру (Молдова)
2. Муллораҷаб Халифаев (Тоҷикистон)
3. Давид Гарсиа (Испания)
3. Орхан Сафаров (Озарбойҷон)