-3.5 C
Tajikistan
Thursday, September 28, 2023

Мавзуна Чориева дар семинари баробарии гендерии Шӯрои олимпии Осиё иштирок намуд

30-31 октябр дар шаҳри Манамаи Баҳрайн бо ташаббуси Шӯрои олимпии Осиё (ШОО) семинари баробарии гендерӣ баргузор шуд.

Дар семинар намояндагони 42 кумитаи миллии олимпӣ, аз ҷумла директори генералии Кумитаи миллии олимпии Тоҷикистон Мавзуна Чориева ва раиси Комиссияи тиббии варзишии КМОТ Фарангис Ғаниева ширкат карданд.

Иҷрокунандаи вазифаи президенти Шӯрои олимпии Осиё Раҷа Рандхир Сингҳ бо итминони қавӣ гуфт, ки ҳамаи кумитаҳои миллии олимпӣ аз ҷониби ШОO дар талош барои пешбурд ва рушди ҳаракати варзишии занон дар Осиё дастгирӣ мешаванд.

Ӯ гуфт, ки Шӯро тасмим гирифтааст барои бартарӣ додани занон на танҳо дар майдони бозӣ, балки дар дохили ташкилоти варзишӣ ва маъмурият барномаи мустаҳкам фароҳам кунад.

«Ин семинар барои нишон додани мушкилоти асосии занон дар ҳаракати варзишии имрӯза, инчунин ба намояндагони кумитаҳои миллии олимпӣ дар бартараф кардани баъзе мушкилот тавассути ҳамкорӣ ва додани маслиҳат ва дастгирӣ кумак мерасонад», — афзуд Раҷа Сингҳ.

Дар як паёми видеоӣ дар маросими ифтитоҳи семинари дурӯзаи ОСА президенти Кумитаи байналмилалии олимпӣ (КБО) Томас Бах аз Шӯрои олимпии Осиё барои намунаи пешқадам дар иқдоми қавӣ барои пешбурди баробарии гендерӣ дар Осиё ситоиш кард.

«Барои пешрафт ба мо стратегияи мақсаднок, сиёсати либералӣ ва уҳдадориҳои ниҳодӣ заруранд. Аз ин рӯ, ман хушҳолам, ки ШОO тавассути Кумитаи баробарии гендерии худ аллакай стратегияҳо ва сиёсатҳои дурустро амалӣ мекунад”.

Томас Бах ба Бозиҳои олимпии Токио-2020 ҳамчун намунаи бартараф шудани фарқияти гендерӣ дар майдон ишора кард.

«Дар ин бозиҳо мо таърихро сабт кардем. Бо иштироки 48 дарсади занон мо ба баландтарин намояндагии варзишгарони зан дар Олимпиада ноил гардидем. Дар Париж-2024 мо ба баробарии пурраи гендерӣ хоҳем расид».

Давоми ду рӯз иштирокчиён ҳамроҳ бо маърӯзачиён аз Кумитаи байналмилалии олимпӣ ва Шӯрои олимпии Осиё мавзӯъҳои гуногунро доир ба занон ва варзиш баррасӣ карданд.

Мавриди зикр аст, ки директори генералии Кумитаи миллии олимпии Тоҷикистон Мавзуна Чориева дар доираи семинар бо намояндагони Шӯрои олимпии Осиё мулоқот анҷом дод. Дар суҳбат бо раиси Кумитаи баробарии гендерии Шӯрои олимпии Осиё Шайха Ҳаёт бинти Абдулазиз Ал-Халифа масъалаи рушди варзиши бонувон баррасӣ шуд. Шайха Ҳаёт Ал-Халифа иброз намуд, ки лоиҳаҳои Кумитаи миллии олимпии Тоҷикистонро дар мавзӯъҳои рушди варзиши занон ва баробарии гендерӣ дастгирӣ хоҳанд кард.

Манбаъ: КМО Тоҷикистон/АМИТ «Ховар»

Latest news

Президенти Ҷумҳурии Тоҷикистон Эмомалӣ Раҳмон бо сафари корӣ ба Олмон рафтанд

28 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар Вохӯрии сарони давлатҳои «Осиёи Марказӣ...

Вазири фарҳанги Тоҷикистон дар Конференсияи байналмилалӣ дар Қатар иштирок намуд

 Вазири фарҳанги Ҷумҳурии Тоҷикистон Зулфия Давлатзода дар Конференсияи 12-уми байналмилалии «Ба сӯи навсозии амали фарҳангӣ дар ҷаҳони Ислом», ки 25-26 сентябр дар шаҳри...

Ҳамкорӣ байни Агентии хизмати давлатии Тоҷикистон ва Бунёди Ҳаннс Зайдел дар Осиёи Марказӣ тақвият меёбад

 Директори Агентии хизмати давлатии назди Президенти Ҷумҳурии Тоҷикистон Ҷумъа Давлатов бо роҳбари намояндагии Бунёди Ҳаннс Зайдел (Олмон) дар Осиёи Марказӣ Макс Георг...

Ҳайати Тоҷикистон дар ҳамоиши сатҳи баланд оид ба навкунии низоми омор дар Латвия иштирок дорад

26 сентябр дар шаҳри Ригаи Ҷумҳурии Латвия ҳамоиши сатҳи баланд барои роҳбарони мақомоти омори давлатҳои ҳамсояи шарқии Аврупо ва Осиёи Марказӣ дар...

Related news

Президенти Ҷумҳурии Тоҷикистон Эмомалӣ Раҳмон бо сафари корӣ ба Олмон рафтанд

28 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати иштирок дар Вохӯрии сарони давлатҳои «Осиёи Марказӣ...

Вазири фарҳанги Тоҷикистон дар Конференсияи байналмилалӣ дар Қатар иштирок намуд

 Вазири фарҳанги Ҷумҳурии Тоҷикистон Зулфия Давлатзода дар Конференсияи 12-уми байналмилалии «Ба сӯи навсозии амали фарҳангӣ дар ҷаҳони Ислом», ки 25-26 сентябр дар шаҳри...

Ҳамкорӣ байни Агентии хизмати давлатии Тоҷикистон ва Бунёди Ҳаннс Зайдел дар Осиёи Марказӣ тақвият меёбад

 Директори Агентии хизмати давлатии назди Президенти Ҷумҳурии Тоҷикистон Ҷумъа Давлатов бо роҳбари намояндагии Бунёди Ҳаннс Зайдел (Олмон) дар Осиёи Марказӣ Макс Георг...

Ҳайати Тоҷикистон дар ҳамоиши сатҳи баланд оид ба навкунии низоми омор дар Латвия иштирок дорад

26 сентябр дар шаҳри Ригаи Ҷумҳурии Латвия ҳамоиши сатҳи баланд барои роҳбарони мақомоти омори давлатҳои ҳамсояи шарқии Аврупо ва Осиёи Марказӣ дар...