25 октябр дар Вазорати молияи Ҷумҳурии Тоҷикистон Вазири молия Файзиддин Қаҳҳорзода бо Директори иҷроияи Бонки Аврупоии Таҷдид ва Рушд дар Осиёи Марказӣ Жужанна Харгитай ва Директори минтақавии Бонки Аврупоии Таҷдид ва Рушд дар Тоҷикистон, Туркманистон ва Қирғизистон Айтен Рустамова вохӯрӣ намуд. Дар ин бора ба АМИТ «Ховар» дар Вазорати молияи Тоҷикистон хабар доданд.
Зимни вохӯрӣ ҷонибҳо перомуни татбиқи лоиҳаҳои давлатии сармоягузорӣ дар соҳаҳои обтаъминкунӣ ва корезӣ, нақлиёт ва энергетика ва дигар масъалаҳои мавриди назар мубодилаи афкори судманд намуданд.