-12.6 C
Tajikistan
Thursday, December 8, 2022

Дар Москва маросими ифтитоҳи Рӯзҳои фарҳанги Тоҷикистон дар Россия баргузор гардид

 24 октябр ба муносибати 30-юмин солгарди истиқрори муносибатҳои дипломатӣ миёни Тоҷикистон ва Россия дар Театри давлатии академии хурди шаҳри Москва  маросими ифтитоҳи Рӯзҳои фарҳанги Ҷумҳурии Тоҷикистон дар Федератсияи Россия бо тантана ва сабки хоси миллии тоҷикӣ баргузор гардид.

Дар чорабинии тантанавӣ  аъзои Шӯрои Федератсия, вакилони Думаи давлатӣ,  намояндагони Ҳукумати Федератсияи Россия, роҳбарияти Вазорати корҳои хориҷӣ ва дигар намояндагони мақомоти давлатии Федератсияи Россия, сафирони кишварҳои хориҷӣ, намояндагони созмонҳои байналмилаливу минтақавӣ, воситаҳои  ахбори  омма, аҳли  илму фарҳанг, инчунин ҳамватанони муқими Россия  иштирок намуданд.

Дар оғози чорабинӣ муовини якуми Вазири фарҳанги Ҷумҳурии Тоҷикистон Обид Назариён ва Статс-Котиб-Муовини вазири фарҳанги Федератсияи Россия Алла Манилова бо суханони шодбошӣ меҳмононро хайрамақдам гуфтанд.

Зикр гардид, ки баргузории Рӯзҳои фарҳанги Тоҷикистон дар Россия ва Россия дар Тоҷикистон бо иштироки ходимони фарҳангу ҳунари ду кишвар ба анъанаи нек табдил ёфта, дар таҳкими дӯстии халқҳои мо нақши муҳим мебозад.

Сипас консерти калони устодони санъати Тоҷикистон оғоз шуд. Дар он  барандагони озмунҳои байналмилалӣ, ҳунарпешаҳои халқӣ ва хизматнишондода, овозхонҳои маъруфи эстрадӣ ва навозандагони асбоби мусиқӣ ҳунарнамоӣ намуданд.

Ҳунарнамоии моҳиронаи гулдухтарони ансамблҳои рақсии «Гулрез»ва «Зебо» ба дили тамошобинон фараҳу шодӣ бахшид.

Барномаи пурмуҳтаво ва ҷолиб, ки аз ҷониби ҳайати эҷодӣ омода гардид буд,  ҳозиринро бо фарҳанги пурғановат, мероси маънавӣ, санъат ва анъанаи беназири халқи тоҷик шинос намуд.  Мусиқии ноби тоҷикӣ, оҳангҳои дилнишин ва рақсҳои зебои духтарони тоҷик, аҳли нишастро дар фазои зебо ва пурнишоти Тоҷикистон қарор дод.

Дар толори театр намоишгоҳи мусаввараҳои рассомони боистеъдоди  тоҷик, инчунин маҳсули кори ҳунарҳои мардумии Тоҷикистон ба маъраз гузошта шуд.

Чорабинии мазкур бо дастгирии Вазорати фарҳанги Тоҷикистон, Вазорати фарҳанги Россия ва Сафорати Тоҷикистон дар Россия дар ҳамкорӣ бо муассисаи давлатии Россия “Росконсерт” баргузор гардид.

Рӯзҳои фарҳанги Тоҷикистон дар Россия бо баргузории барномаи ҳунарӣ ва дигар чорабиниҳо дар толори давлатии консертии ба номи «Бошқирдистон”-и шаҳри Уфа 26 октябр идома меёбад.

Манбаъ: Сафорати Тоҷикистон дар Россия/АМИТ «Ховар»

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....