21 октябр Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Давлати Қатар Иброҳим ибни Муҳаммад ал Абдуллоҳро ба муносибати анҷоми рисолати дипломатиаш дар Тоҷикистон ба ҳузур пазируфт.
Зимни суҳбат тарафҳо дурнамои ҳамкории дуҷониба ва бисёрҷонибаи ду кишварро дар соҳаҳои мухталиф баррасӣ намуда, инчунин роҷеъ ба натиҷаҳои Конфронси амниятии Душанбе табодули назар карданд.
Сироҷиддин Муҳриддин ба сафир барои хизматҳои шоиста дар таҳкими муносибату ҳамкории дӯстонаву судманд миёни Тоҷикистону Давлати Қатар изҳори сипос намуд.
Ёдовар мешавем, ки 20 ноябри соли 2018 дар Қасри миллат Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 12 сафири навтаъйини кишварҳои хориҷӣ эътимоднома қабул намуданд, ки дар ин маросим Сафири Давлати Қатар дар Тоҷикистон Иброҳим ибни Муҳаммад ал Абдуллоҳ низ иштирок дошт.