-11.6 C
Tajikistan
Sunday, January 29, 2023

«ДӮСТ ОЯД, ГАРМ ДАР ОҒӮШ ГИР!». Ҷавонони минтақаҳои гуногуни Тоҷикистон меҳмони шаҳри Истаравшан гардиданд

Бахшида ба 30-солагии Иҷлосияи 16-уми Шӯрои Олии Ҷумҳурии Тоҷикистон бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Иттифоқи ҷавонони Тоҷикистон ва Ташкилоти ҷамъиятии «Пайравони Пешвои миллат» аз 20 то 23 октябр аз рӯи усули «Дар меҳмонии ҷавонони манотиқи гуногуни ҷумҳурӣ» таҳти унвони «Дӯст ояд, гарм дар оғӯш гир!» дар шаҳру ноҳияҳои Истаравшан, Хуҷанд, Б.Ғафуров ва Мастчоҳи вилояти Суғд меҳмонӣ сурат мегирад.

20 октябр гурӯҳи калони ҷавонони минтақаҳои ҷумҳурӣ- иштирокчиёни ҳамоиши ҷавонони Тоҷикистон таҳти унвони «Дӯст ояд гарм дар оғӯш гир!» иборат аз 120 нафар ба шаҳри Истаравшани вилояти Суғд омаданд.

Меҳмонони гиромиқадрро бо урфу одати тоҷикона, таҳти садои карнаю сурнай муовини Раиси шаҳри Истаравшан Фирӯза Муъминзода ва гурӯҳи калони ҷавонони шаҳр дар ҳудуди даромадгоҳи тарабхонаи марказӣ бо шукӯҳу шаҳомати хосса истиқбол гирифтанд.

Баъдан меҳмононро Раиси шаҳр Адҳам Маъмурзода ба ҳузур пазируфта, ташрифашонро ба Истаравшани бостонӣ хайра мақдам гуфт. Ӯ аз сиёсати хирадмандонаи Президенти Ҷумҳурии Тоҷикистон муҳтарам Эмомалӣ Раҳмон нисбат ба ҷавонони ҷумҳурӣ ёдовар шуда, ҳамчунин бо ифтихор илова намуд, ки ҳамоиши мазкур маҳз аз Истаравшани бостонӣ оғоз мегардад.

Сипас сардори Раёсати кор бо ҷавонони Кумитаи кор бо ҷавонон ва варзиши назди Ҳукумати Ҷумҳурии Тоҷикистон Амирҷон Иброҳимзода оид ба пешравиҳои фаъолияти Кумита ва самти дастгирии ҷавонони мамлакат дар 31 соли соҳибистиқлолӣ сухан гуфт.

Дар идома гурӯҳи меҳмонон аз ҷойҳои таърихии шаҳр, аз ҷумла «Қалъаи Муғ» ва «Ҳазрати Шоҳ» дидан намуд. Идомаи ҳамоиш дар мавзеи фароғатӣ-истироҳатии «Парчам»-и шаҳр бо барномаи консертӣ таҳти унвони «Шоми ҷавонӣ» идома ёфт, ки меҳмонон аз он хеле хушҳол гардиданд.

Ёдовар мешавем, ки дар доираи нақшаи баргузории чорабиниҳо баргузории ҳамоишу конференсияҳо, фестивалу машваратҳо, тамошои ҷойҳои таърихӣ, барномаҳои консертӣ таҳти унвони «Шоми ҷавонӣ», бозиҳои варзишӣ ва ғайра дар назар дошта шудааст. Бо мақсади тақвият додани дӯстӣ ҷавонон барои шабгузаронӣ дар хонаҳои истиқоматии фаъолҷавонони шаҳрҳои болозикр ҷойгир карда мешаванд. Ин усул имкон медиҳад, ки ҷавонони манотиқи гуногун дар муҳити хонаводагии ҷавонони шаҳру ноҳияҳои дигари ҷумҳурӣ зиндагӣ карда, бо ҳамдигар қарин гарданд.

Пагоҳ сафари гурӯҳи ҷавонон дар шаҳри Хуҷанд идома меёбад.

Манбаъ: АМИТ «Ховар»

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...