-12.6 C
Tajikistan
Thursday, December 8, 2022

Вакилон бо интихобкунандагон доир ба 30-солагии Иҷлосияи 16-уми Шӯрои Олӣ, даъвати тирамоҳӣ ва захираи маводи озуқаворӣ суҳбат намуданд

17 октябр дар Коллеҷи тиббии шаҳри Кӯлоб бо иштироки вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи шаҳри Кӯлоб Шарифҷон Ҳакимзода бо интихобкунандагон вохӯрӣ баргузор гардид. 

Шарифҷон Ҳакимзода оид ба 30-солагии Иҷлосияи таърихии 16-уми Шӯрои Олии Ҷумҳурии Тоҷикистон, истифодаи самараноки замин, захира намудани маводи озуқаворӣ барои фасли сармо, сафарбаркунии ҷавонон ба сафи Қувваҳои Мусаллаҳи Ҷумҳурии Тоҷикистон, тарбияи дурусти насли наврас ва ҷалби ҷавонон ба касбу ҳунар ибрози андеша намуд.

Дар фарҷоми мулоқот вакили Маҷлиси  намояндагон Шарифҷон Ҳакимзода ба саволҳои сершумори интихобкунандагон посух гуфт.

Инчунин дар ноҳияи Кӯшониён  бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон вохӯрии вакили Маҷлиси намояндагон Муҳаммад Султонзода бо фаъолони ноҳия доир шуд.

Дар мулоқот асосан вобаста ба самаранок истифода бурдани замин, ҷамъоварии ҳосили пахта, омодагиҳо ба кишти тирамоҳӣ, иҷрои босифати даъвати тирамоҳии шаҳрвандон ба сафи Қувваҳои мусаллаҳ  табодули афкор намуданд.

Ҳамзамон доир ба  сазовор пешвоз гирифтани 30-солагии Иҷлосияи тақдирсози 16-уми Шӯрои Олии Ҷумҳурии Тоҷикистон  ва дигар масъалаҳои мубрами рӯз ибрози назар карда шуд.

Дар баробари ин дар доираи амалӣ намудани нақшаи чорабиниҳои мақомоти иҷроияи ҳокимияти давлатии ноҳияи Исмоили Сомонӣ ва КИ ҲХДТ дар ноҳия суҳбату вохӯриҳо миёни сокинону интихобкунандагони маҳаллаи «Шафақ» доир шуданд.

Дар вохӯрӣ раиси кумита оид ба илм, маориф, фарҳанг ва сиёсати ҷавонон Насиба Содиқӣ, вакили Маҷлиси намояндагон  Парвина Меликзод, Раиси КИ ҲХДТ дар ноҳияи Исмоили Сомонӣ Убайдулло Қурбонзода, мудири бахши кор бо занони мақомоти иҷроия Манижа Аминова ва сокинони маҳалла иштирок намуданд.

Насиба Содиқӣ гуфт, ки «дар шароити басо мураккабу печидаи ҷаҳони муосир ҳифзи истиқлолияти давлатӣ ва дастовардҳои он вазифаи ҷонӣ, масъулияти виҷдонӣ ва қарзи имонии ҳар фарди бонангу номуси миллат мебошад». Дар робита ба ин мавсуф оид ба нақши Иҷлосияи 16-уми Шӯрои Олии Ҷумҳурии Тоҷикистон ибрози андеша намуд.

Таъкид шуд,  ки Ҳукумати мамлакат ба рушди соҳаи маориф ва таълиму тарбияи насли наврас ҳамеша аҳаммияти аввалиндараҷа медиҳад. Бо ин мақсад дар панҷ соли минбаъда бояд беш аз 1000 иншооти соҳаи маориф дар ҳамаи зинаҳои таҳсил сохта, ба истифода супорида шаванд.

Дар вохӯрие, ки бо фаъолони шаҳри Исфара сурат гирифт, вакилони Маҷлиси намояндагон  Муҷибахон Ҷавҳарӣ ва Мавзуна Шамсиддинзода бо кормандони соҳаи маориф, тандурустӣ ва фаъолони дигар соҳаҳо суҳбат намуданд.

Вакилон иброз доштанд, ки соҳаи илму маориф таҳти сарпарастӣ ва таваҷҷуҳи хоссаи Сарвари давлат қарор дошта, яке аз самтҳои  муҳим ва афзалиятноки  сиёсати давлатӣ эътироф шудааст. Зеро ояндаи дурахшони Тоҷикистон маҳз аз низоми тарбияи насли наврас ва сатҳи касбияти мутахассисон вобастагии амиқ дорад.

Манбаъ: МН МО ҶТ/АМИТ «Ховар» 

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....