11 октябр вохӯрии Сафири Ҷумҳурии Тоҷикистон дар Ҷумҳурии Туркия Ашрафҷон Гулов бо муовини Вазири корҳои хориҷии кишвари иқомат Седат Онал доир гардид.
«Зимни вохӯрӣ ҷонибҳо доир ба масъалаҳои қобили таваҷҷуҳи тарафайн мубодилаи афкор намуданд»,- таъкид намуданд дар Вазорати корҳои хориҷии Тоҷикистон.
Тавре қаблан АМИТ «Ховар» хабар дода буд, 28 январи соли 2022 миёни Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Туркия муҳтарам Реҷеп Тайип Эрдоган ба муносибати 30-юмин солгарди барпо намудани робитаҳои дипломатии ду кишвар мубодилаи барқияҳои табрикӣ ба амал омад.
Ёдовар мешавем, ки муносибатҳои дипломатӣ миёни Ҷумҳурии Тоҷикистон ва Ҷумҳурии Туркия 29 январи соли 1992 барқарор шудаанд.
Ҳоло миёни ду кишвар беш аз 65 созишнома, ёддошт ва дигар санадҳо ба имзо расидаанд.