-12.6 C
Tajikistan
Thursday, December 8, 2022

Дар шаҳри Бусан нишасти 15-уми Форуми ҳамкории кишварҳои Осиёи Марказӣ ва Ҷумҳурии Корея доир мешавад

12 октябр ҷиҳати омодагӣ ба нишасти 15-уми Форуми ҳамкории кишварҳои Осиёи Марказӣ ва Ҷумҳурии Корея, ки 25-26 октябри соли 2022 дар сатҳи вазирони корҳои хориҷӣ дар шаҳри Бусани Ҷумҳурии Корея баргузор мешавад, мулоқоти муовинони вазирони корҳои хориҷии кишварҳои Осиёи Марказӣ ва Ҷумҳурии Корея дар шакли маҷозӣ доир шуд. 

Дар нишасти мазкур муовини Вазири корҳои хориҷии Ҷумҳурии Тоҷикистон Фарҳод Салим ширкат ва суханронӣ намуд.

Зимни он ҷонибҳо масъалаҳои рушди ҳамкориро дар асоси самтҳои рӯзномаи ҷаласаи форум – тандурустӣ, ҳамкории рақамӣ, сайёҳӣ, амнияти иқтисодӣ, муҳити зист ва энергетика, инчунин лоиҳаи Изҳороти муштарак ва кақшаи кори котиботи Форумро барои соли 2023 баррасӣ намуданд.

Бояд гуфт, ки 30 ноябри соли 2021 дар Душанбе ҷаласаи 14-уми вазирони корҳои хориҷии Форуми ҳамкории Осиёи Марказӣ ва Ҷумҳурии Корея баргузор гардид.

Дар чаҳорчӯби Форуми 14-уми ҳамкории Осиёи Марказӣ-Ҷумҳурии Корея чор нишасти коршиносони мақомоти соҳавии кишварҳои Форуми ҳамкории Осиёи Марказӣ бо Ҷумҳурии Корея дар бахшҳои ҷангал, бетарафии карбонӣ, тандурустӣ ва технологияи рақамӣ барпо гардиданд.

Қабули нақшаи кори котиботи форум барои соли 2022 ҷиҳати дастгирии лоиҳаҳо дар шаш самти дурнамои ҳамкорӣ дар давраи миёнамуҳлат ва дарозмуддат қадами муҳим ба пеш мебошад. Онҳо, аз ҷумла соҳаҳои нақлиёт ва логистика, энергетика, таҷдид ва диверсификатсияи саноат, тағйирёбии иқлим ва муҳити зист, тандурустӣ ва тиб, маориф, фарҳанг ва сайёҳиро фаро мегиранд.

Ли Чон Гук тибқи мувофиқаи ҷонибҳо ба ҳайси мудири котибот тасдиқ шуд.

Иштирокдорони Форум самарабахш баргузор шудани нишасти коршиносони мақомоти соҳавии кишварҳои узви Форум ва ҷаласаи омодасозии муовинони вазирони корҳои хориҷии кишварҳои Осиёи Марказӣ ва Ҷумҳурии Кореяро, ки қисмати мундариҷавии Форуми 14-умро мавриди баррасӣ қарор доданд, зикр карданд.

Ҷонибҳо дар робита ба кори Шӯрои тиҷоратии котиботи Форуми ҳамкории Осиёи Марказӣ-Ҷумҳурии Корея, ки дар чорчӯби он 29 ноябри 2021 дар Душанбе бо ибтикори ҷониби Тоҷикистон нахустин Бизнес–форум дар формати 5+1 баргузор гардид, изҳори қаноатмандӣ намуданд.

Дар поёни ҷаласаи вазирони корҳои хориҷии кишварҳои узви Форум Изҳороти муштарак қабул шуд, ки дар он натиҷаи машваратҳои пурсамар дар доираи мулоқоти имрӯза зикр гардидааст.

Ҷумҳурии Тоҷикистон дар соли 2021 раисии худро дар Форуми ҳамкории Осиёи Марказӣ-Ҷумҳурии Корея ба охир расонд. Тибқи қарори ягонаи вазирони корҳои хориҷӣ, дар ҷаласаи 14-ум Ҷумҳурии Корея раисиро барои баргузор намудани Форуми 15-уми ҳамкорӣ ба зимма гирифт.

Манбаъ: ВКХ ҶТ

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....