Сафири Ҷумҳурии Тоҷикистон дар Малайзия, Ҷумҳурии Индонезия, Подшоҳии Таиланд, Намояндаи доимии Тоҷикистон дар ЭСКАТО Ардашер Қодирӣ 5 октябр бо Вазири сайёҳӣ ва варзиши Подшоҳии Таиланд Пҳипҳат Ратчакитпракарн вохўрӣ намуд.
Сафир бо таъкиди таҷрибаи ғании Таиланд дар соҳаи сайёҳӣ ва варзиш, ҳавасмандии Тоҷикистонро дар ҳамкорӣ ва табодули таҷриба дар самтҳои гуногун, аз қабили ташкили чорабиниҳои сайёҳӣ, семинарҳо, инчунин рушди ҳамкорӣ дар соҳаи варзиш изҳор дошт.
Ҷонибҳо ба мувофиқа расиданд, ки тамосҳоро идома диҳанд.