-12.6 C
Tajikistan
Thursday, December 8, 2022

Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд

Бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ 8-9 октябр дар варзишгоҳҳои мамлакат баргузор мегарданд.

Дар даври 17-ум 8 октябр дастаҳои футболи «Регар-ТадАЗ»-и шаҳри Турсунзода бо КМВА-и шаҳри Душанбе, «Хатлон»-и шаҳри Бохтар бо «Истаравшан»-и шаҳри Истравашан, 9 октябр дастаҳои футболи «Равшан»-и ноҳияи Зафаробод бо «Хуҷанд»-и шаҳри Хуҷанд, «Истиқлол»-и шаҳри Душанбе бо «Равшан»-и шаҳри Кӯлоб, «Файзканд»-и ноҳияи Восеъ бо «Эсхата»-и шаҳри Хуҷанд бо ҳам вомехӯранд.

Ҳафтаи сипаришуда пас аз танаффуси дуҳафтаина бо сабаби иштироки дастаи мунтахаби Тоҷикистон дар мусобиқаи байналмилалӣ дар Таиланд бозиҳои даври 16-уми Чемпионати Тоҷикистон оид ба футбол миёни дастаҳои Лигаи олӣ баргузор шуданд. Бозӣ миёни дастаҳои футболи «Эсхата»-и шаҳри Хуҷанд бо «Хатлон»-и шаҳри Бохтар, ки 30 сентябр дар варзишгоҳи «Спартак»-и шаҳри Хуҷанд доир гашт, мусовӣ – 0:0 анҷом ёфт.

Дар бозии дигар, ки низ дар варзишгоҳи «20-солагии Истиқлоли Тоҷикистон»-и Хуҷанд 1 октябр доир гардид, дастаи футболи «Хуҷанд»-и шаҳри Хуҷанд ба дарвозаи дастаи «Файзканд»-и ноҳияи Восеъ се голи беҷавоб зад. Сергей Сканян дар дақиқаи 8-ум ҳисобро кушод. Ду голи дигарро Хушнудбек Бозоров ва Ҷаҳонгир Эргашев заданд.

1 октябр дастаи футболи «Равшан»-и шаҳри Кӯлоб дар варзишгоҳи марказии шаҳри Ҳисор дастаи «Регар-ТадАЗ»-и шаҳри Турсунзодаро бо ҳисоби 2:0 мағлуб кард. Се холи дастаи «Равшан» тавассути зарбаҳои нишонраси Муҳаммадалӣ Азизбоев ва Шодиҷон Муродов ба даст омаданд.

Ду бозии дигар 2 октябр баргузор шуданд. Дастаи футболи Клуби марказии варзиши артиш (КМВА) дар майдони худ аз дастаи «Равшан»-и ноҳияи Зафаробод бо ҳисоби 1:2 шикаст хӯрд. Ба голи бозингари артиш Хуршед-Тимур Ҷураев зафарободиҳо тавассути Парвизҷон Деҳқонов ва Бахтиёр Зарипов бо ду гол ҷавоб доданд.

Бозӣ миёни дастаҳои футболи «Истаравшан»-и шаҳри Истаравшан ва «Истиқлол»-и шаҳри Душанбе бо ҳисоби мусовӣ- 1:1 анҷом ёфт. Бозингари мизбон Амирҷон Сафаров дар дақиқаи 55 ҳисобро кушод. Легионери аргентинии дастаи «Истиқлол» Гонсало Габриел Ритакко дар дақиқаҳои иловагӣ дастаашро аз бохт наҷот дод.

Пас аз натиҷагирии 16 давр дар ҷадвали чемпионат дастаи футболи «Истиқлол»-и шаҳри Душанбе бо 31 хол пешсаф аст. Дастаҳои футболи «Равшан»-и шаҳри Кӯлоб бо 4 холи камтар (27) дар ҷои дуюм ва «Хуҷанд»-и шаҳри Хуҷанд бо 25 хол дар ҷои сеюм мавқеъ доранд.

Манбаъ: Федератсияи футболи Тоҷикистон/АМИТ «Ховар»

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....