Таҳти роҳбарии муовини Вазири корҳои хориҷии Тоҷикистон Шараф Шерализода 28 сентябр нишасти кории маҷозӣ бо роҳбарони муассисаҳои консулии мамлакат дар хориҷа баргузор гардид.
Зимни нишасти мазкур иштирокдорон имконияти ҳамкории Тоҷикистон бо кишварҳои хориҷиро дар соҳаҳои иқтисодиву сармоягузорӣ, таҳкими иқтидори содиротии кишвар, ҷалби сармояи хориҷӣ ва мушкилиҳои ҷойдошта баррасӣ намуданд.
Инчунин дар нишасти корӣ масъалаҳои консулӣ, бахусус баррасии саривақтии муроҷиатҳои шахсони воқеӣ ва ҳуқуқии Ҷумҳурии Тоҷикистон, тавсеаи ҳамкорӣ бо диаспораҳо (ҷамъиятҳо)-и тоҷикон дар кишварҳои иқомат ва ҷалби сармоягузорони хориҷӣ ба кишвар мавриди баррасӣ қарор гирифтанд.