-13.1 C
Tajikistan
Thursday, December 8, 2022

Сарвари давлат Эмомалӣ Раҳмон дар шаҳри Душанбе Муассисаи таҳсилоти миёнаи умумии хусусии «Гимназияи Нуриддин»-ро мавриди баҳрабардорӣ қарор доданд

27 сентябр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар ноҳияи Фирдавсии пойтахт Муассисаи таҳсилоти миёнаи умумии хусусии «Гимназияи Нуриддин»-ро мавриди баҳрабардорӣ қарор дода, бо имкониятҳои иншооти нави таълимӣ шинос шуданд.

Гимназия барои 2 ҳазор хонанда дар як баст пешбинӣ гардида, дар он мутобиқ ба меъёрҳои байналмилалӣ шароити таълим фароҳам оварда шудааст. Аз ҷумла, иншоот дорои 70 синфхонаи барҳавою зебо буда, барои гузаронидани дарсҳо дар тамоми синфхонаҳои он тахтаҳои электронӣ насб шудааст. Дар муассиса 22 кабинети фаннӣ ташкил гардида, ба омӯзиши фанҳои дақиқ таваҷҷуҳи хоса дода мешавад. Аз ин ҷост, ки 1 адад лабораторияи алоҳида барои гузаронидани дарсҳои назариявии химия ва 1 лабораторияи физика бо тамоми дастгоҳҳои заруриву аёнияти хониш бунёд ёфтааст. Бо истифода аз чунин имконот хонандагон таҷрибаҳои гуногуни химиявӣ гузаронида, дониши худро мукаммал менамоянд. Ҳамчунин дар муассиса синфхонаҳои алоҳида барои омӯзиши фанҳои биология, ҳуқуқи инсон ва омодагии ибтидоии ҳарбӣ бунёд ёфтааст.

Зимни боздид ба Сарвари давлат муҳтарам Эмомалӣ Раҳмон иттилоъ доданд, ки дар гимназия 2 синфхонаи технологияи иттилоотӣ бо компютерҳои замонавию хати баландсуръати интернет ташкил гардидааст.

Бо пайгирӣ аз сиёсати бунёдкоронаву маорифпарваронаи Пешвои муаззами миллат муҳтарам Эмомалӣ Раҳмон, Муассисаи таҳсилоти миёнаи умумии хусусии «Гимназияи Нуриддин»-ро соҳибкори ватанӣ Абдураҳмон Қосимов бунёд намуда, таълиму тарбия дар он мутобиқи стандартҳои байналмилалӣ роҳандозӣ гардидааст.

Дар гимназия 230 нафар омӯзгор дар асоси озмун ба кор ҷалб гардида, барои кору фаъолияти онҳо 6 ҳуҷраи алоҳидаи корӣ ташкил гардидааст.

Толори зебову замонавии гимназия беш аз 500 ҷойи нишаст дошта, ошхонаи он имконият дорад, ки дар як вақт ба 250 нафар омӯзгору хонанда хизмат расонад. Бо назардошти талабот ва меъёрҳои ҷорӣ, дар муассиса толори барҳавои варзишӣ бунёд гардида, дар он имконияти зарурӣ барои гузаронидани дарси тарбияи ҷисмонӣ ва мусобиқаҳои гуногуни варзишӣ фароҳам мебошад.

Барои омодасозии хонандагон ба озмунҳои ҷумҳуриявӣ китобхонаи муассиса бо 125 номгӯи китобҳои бадеӣ ва беш аз 4 ҳазор китоби фаннӣ ташкил гардида, бо истифода аз толори барҳавои хониш толибилмон метавонанд ба китобхонӣ машғул шаванд. Дар ин ҷо бо насби 25 комюптер ҳамчунин китобхонаи электронӣ ташкил гардида, ба ин васила омӯзгорону хонандагон ба махзани бойи ашъори шоирону нависандагони ватаниву хориҷӣ дастрасӣ пайдо намудаанд.

Муассиса ҳамчунин дорои дигар ҳуҷраҳои ёрирасон, аз қабили ҳуҷраи техникӣ, ҳуҷраҳои алоҳида барои гузаронидани маҳфилҳо, бойгонӣ ва ҳуҷраи тиббӣ мебошад.

Пас аз боздид Президенти Ҷумҳурии Тоҷикистон муҳтарам Эмомалӣ Раҳмон чунин тасмимҳои бунёдкоронаи соҳибкорони ватаниро боиси дастгирӣ арзёбӣ карда, масъулинро вазифадор намуданд, ки ба сифати таълиму тарбия, омӯзиши амиқи технологияи муосир ва забонҳои хориҷӣ дар таълимгоҳ диққати аввалиндараҷа диҳанд.

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....