Раиси вилояти Суғд Раҷаббой Аҳмадзода имрӯз бо намояндагони воситаҳои ахбори оммаи ватанӣ ва хориҷӣ мулоқот кард.
Дар Ҷамоати деҳоти Чоркӯҳи шаҳри Исфара як гурӯҳ намояндагони воситаҳои ахбори оммаи минтақавӣ ва байналмиллалӣ бо оқибатҳои ҳуҷуми таҷовузкоронаи низомиёни Қирғизистон шинос гардиданд.
Зимни суҳбат роҳбари вилоят вобаста ба вазъи зиндагии мардум, оқибатҳои даргириҳои мусаллаҳона, зиёни расида, дастгирии сокинони зарардида аз ҷониби Ҳукумати Ҷумҳурии Тоҷикистон, хосса Пешвои муаззами миллат муҳтарам Эмомалӣ Раҳмон маълумот дод.
Хабарнигорони РИА «Новости», «ОРТ», «ВВС», АМИТ «Ховар», «Спутник», «Радиои Озодӣ», «Авесто» ва рӯзноманигорони мустақилу блогерон аз маҳалли ҳодиса гузоришҳо омода намуданд.
Манбаъ: АМИТ «Ховар»