-13.1 C
Tajikistan
Thursday, December 8, 2022

Фарҳод Раҳимӣ ҳамлаи таҷовузкоронаи Қирғизистонро ба шеваи таҳоҷуми гурӯҳҳои террористии байналмилалие, чун «Ал-Қоида»* ва «ДОИШ»* шабоҳат дод

Президенти Академияи миллии илмҳои Тоҷикистон, академик Фарҳод Раҳимӣ ҳамлаи таҷовузкоронаи Қирғизистонро ба қаламрави Тоҷикистон ба шеваҳои таҳоҷуми гурӯҳҳои террористии байналмилалие, чун «Ал-Қоида»* ва «ДОИШ»* шабоҳат дод, хабар медиҳад АМИТ «Ховар».

Ӯ дирӯз зимни суханронӣ дар ҳамоиши байналмилалӣ бахшида ба солгарди 11-уми марги устод Бурҳониддин Рабонӣ дар Лондон зикр кард, ки чанд рӯз пеш Тоҷикистони соҳибистиқлол мавриди ҳамлаи ноҷавонмардонаи кишвари ҳамсоя — Қирғизистон қарор гирифта, дар натиҷаи он даҳҳо нафар занону кӯдакони бегуноҳ ва мардумони мулкӣ кушта шуданд ва садҳо хонаҳои мардуми таҳҷоӣ нобуд гардиданд.

«Таҷовузгарон ҳатто бо дастгоҳҳои бесарнишин ҳангоми намоз ба масҷиди ҷомеъ ҳамла намуда, даҳҳо намозгузорро ба қатл расониданд, ки ин амал ҳам аз нигоҳи исломӣ ва ҳам аз нигоҳи инсонӣ пазируфтанӣ набуда, шабеҳи шеваҳои таҳоҷуми гурӯҳҳои террористии байналмилалие, чун «Ал-Қоида»* ва «ДОИШ»* аст, ки хилофи тамоми муқаррароти асноди байналмилалӣ ва умумибашарӣ мебошад», — иброз дошт Фарҳод Раҳимӣ.

Тавре дар идома Президенти Академияи миллии илмҳои Тоҷикистон ба самъи иштирокчиён расонид, маълум гардид, ки кишвари ҳамсоя ба ин ҷанг тайёрии қаблӣ доштааст ва ҳатто пеш аз оғози ҷанг дар сар то сари ҷаҳон бо таъсиси гурӯҳҳои фейкӣ ба забонҳои гуногун ва ҷалби хакерони хориҷӣ ҷиҳати масдуд намудани шабакаҳои иҷтимоӣ ва саҳифаю торномаҳои интернетии тоҷикӣ бо мақсади таҳрифи воқеият ва дурӯғпароканӣ машғул будааст.

Вале роҳбарияти сиёсии ин кишвар, ба зикри Фарҳод Раҳимӣ, бо бешармии том ва аҳдшиканиву бемасъулиятии ба онҳо хос бо истифода аз минбари баланди СММ дар тамоми ҷаҳон ин воқеиятро таҳриф, ҳодисаро нодуруст ва яктарафа баҳогузорӣ мекунад ва ҷомеаи ҷаҳониро ба пазириши дурӯғу тӯҳматномаҳои худ мутақоид карданӣ мешавад.

Дар ҳамоиш ӯ мавқеи Тоҷикистонро баён намуда, тазаккур дод, ки тайи 30 соли охир аз ҷониби Қирғизистон зиёда аз 200 ҳуҷуми мусаллаҳона ба кишвари мо сурат гирифт.

«Мо ҳеҷ гоҳ аввалин шуда, ба кишвари ҳамсоя таҳдиде ва ё ҳуҷуми мусаллаҳона оғоз накардаем, як пора замини онҳоро ғасб нанамудаем ва баръакс, онҳо дар заминҳои қонунии кишвари мо зиндагонӣ доранд, ки бо ҳар роҳу васила дар замони Шӯравӣ ба он соҳиб гардиданд ва амалҳои мо танҳо дифоъ аз сарзамини худ ва манофеи миллиамон буд ва мебошад, — гуфт Президенти Академияи миллии илмҳои Тоҷикистон. — Фикр мекунам, ин ҳама нооромиҳо ва аҳдшиканиву ҳуҷум ба хоки муқаддаси кишвари ман – Тоҷикистони азиз рӯҳи бузургмардони моро, чун Бурҳонидин Раббониву Аҳмадшоҳи Масъуд ва садҳову ҳазорон абармардони тоҷику форс ором намегузорад».

Дар фарҷоми суханронӣ ӯ ба иштирокчиёни ҳамоиш муроҷиат карда, даваът ба амал овард, ки дар расонидани ҳақиқат ва роҳ надодан ба таҳрифи воқеият бо Тоҷикистон бошанд ва дар муаррифии воқеияти низои мазкур ва мавқеи кишвари мо дар арсаи байналмилалӣ мусоидат ва ҳамкорӣ намоянд.

Бояд тазаккур дод, ки ҳамоиши байналмилалӣ бахшида ба солгарди 11-уми марги устод Бурҳониддин Рабонӣ 23 сентябр дар шаҳри Лондони Британияи Кабир баргузор гардид, ки дар он Президенти Академияи миллии илмҳои Тоҷикистон Фарҳод Раҳимӣ дар шакли маҷозӣ иштирок ва суханронӣ намуд.

Акрамхоҷа АКБАР,
АМИТ «Ховар»

АКС: АМИТ «Ховар»

___________________

* Созмонҳои террористии мамнӯъ дар Тоҷикистон ва соири кишварҳои ҷаҳон

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....