-10.7 C
Tajikistan
Sunday, January 29, 2023

ҶОМИ ПРЕЗИДЕНТИ ТОҶИКИСТОН ОИД БА ДЗЮДО. Варзишгарони тоҷик дар рӯзи якуми мусобиқаи байналмилалӣ соҳиби медалҳои тилло шуданд

19 сентябр дар Қасри варзиши шаҳри Хуҷанд​ Мусобиқаи 9-уми байналмилалӣ оид ба гӯштини дзюдо барои дарёфти Ҷоми Президенти Тоҷикистон оғоз ёфт. Дар рӯзи якуми мусобиқаи мазкур дар шаҳри Хуҷанд рақобатҳо аз рӯи чаҳор вазн сурат гирифтанд. Дар  вазнҳои  -57 кг  ва  — 63 кг  бонувон ва дар  вазни -66 кг ва -81 кг мардон барои ба даст овардани нишонҳои фахрӣ миёни ҳам сабқат карданд.

Дар рӯзи якуми Мусобиқаи байналмилалии Ҷоми Президенти Ҷумҳурии Тоҷикистон оид ба гӯштини дзюдо 31 нафар варзишгар дар  вазни то 66 килограмм барои ба даст овардани медалҳои фахрӣ миёни ҳам  мубориза бурданд. Медали тиллои ин вазнро паҳлавони ҷавони тоҷик Муллораҷаб Халифаев соҳиб шуд. Муллораҷаб дар даври ниҳоӣ ба муқобили дзюдочии рус Обид Ҷебов бо се шидо зафар ёфт.

Ҳамчунин дар ин вазн  варзишгарони  бомаҳорат, ба монанди Абубакр Шеров ва Шаҳбози Саидаброр ҳам ҳунарнамоӣ карданд. Абубакр дар даври аввал аз  варзишгари  узбек Отабек Отаназаров бо имтиёзи иппон мағлуб гардид. Шаҳбоз Саидаброров барои ба даст овардани медали биринҷӣ аз дзюдочии узбек Артём Штурбабин  мағлуб шуд. Дилшодбек Юлдошев аз кишвари Узбекистон аввалин медали биринҷии мусобиқаро соҳиб шуд. Дилшодбек барои ба даст овардани медали биринҷӣ ҳамватанаш Отабек Отаназаровро мағлуб кард.

Ёдовар мешавем, ки соли гузашта Дилшодбек  дар вазни то 66 килограмм дар Мусобиқаи байналмилалии Ҷоми Президенти Ҷумҳурии Тоҷикистон оид ба гӯштини лзюдо  дар шаҳри Душанбе ба гирифтани медали тилло даст ёфта буд.

Ғолибони вазни то 66 кг

1.Муллораҷаб Халифаев (Тоҷикистон)

2.Обид Ҷебов (Россия)

3.Дилшодбек Юлдошев (Узбекистон)

3.Артём Штурбабин (Узбекистон)

Барои ба даст овардани медалҳои фахрӣ дар  вазни то 81 килограмм 28 варзишгар  миёни ҳам  рақобат  карданд. Медали  тиллои ин вазнро паҳлавони бомаҳорати тоҷик Ҳамроз Раҷабов ба даст овард. Ҳамроз дар даври ниҳоӣ дзюдочии эронӣ Меҳдӣ Фатҳиро бо имтиёзи иппон шикаст дод. Дзюдочии узбек Рамазон Аллабердиев барои ба даст овардани нишони биринҷӣ  варзишгари тоҷик Ғаниҷон Ғаниевро дар сонияҳои аввали рақобат шикаст дод. Ғаниҷон миёни 28 дзюдочӣ, ки  дар  вазни то 81 кг ҳунарнамоӣ карданд, 5-ум шуд. Раҳматуллобек Фарҳодов барои ба даст овардани медали биринҷии мусобиқа Субҳиддин Халилзодаро шикаст дод. Раҳматуллобек бо тахтапушт Субҳиддинро нигоҳ дошт ва ҳамин тавр бо имтиёзи иппон ғолиб гардид.

Ғолибони вазни то 81 кг

1.Ҳамроз Раҷабов (Тоҷикистон)

2.Меҳдӣ Фатҳӣ (Эрон)

3.Аллабердиев Рамазон (Узбекистон)

3.Раҳматуллобек Фарҳодов  (Тоҷикистон)

Миёни бонувон  Шоҳида Қаландарова,  Аҳлия Муминова ва Фазилат Гулбоева  дар Мусобиқаи байналмилалии Ҷоми Президенти Ҷумҳурии Тоҷикистон оид ба  гӯштини дзюдо  ба гирифтани зинаҳои фахрӣ мушарраф гардиданд.

Ғолибони вазни то 57 кг

1. Шоҳида Қаландарова (Тоҷикистон)
2. Аҳлия Муминова (Тоҷикистон)
3.Фазилат Гулбоева  (Тоҷикистон)

Дар вазни то 63 кг Мавлуда Одинаева дар даври ниҳоӣ Ҷононаи 16-соларо мағлуб карда, медали тиллои мусобиқаро соҳиб шуд.

Ғолибони вазни то 63  кг

1.Мавлуда Одинаева (Тоҷикистон)

2.Ҷонона Назарова (Тоҷикистон)

3.Рӯзафсун Бекназарова (Тоҷикистон)

Барномаи баргузории мусобиқа барои  имрӯз  чунин аст:

Рӯзи 2 | 20 сентябр | Сешанбе
Оғоз: 09:00
Марҳилаи ниҳоӣ: 16:00
Мардон: -90, -100, +100кг;

Хотиррасон мешавем, ки  ғолибону ҷоизадорони мусобиқа бо ҷоизаҳои молӣ сарфароз мешаванд. Барои ҷойи якум 40 ҳазор сомонӣ, барои ҷойи дуюм — 20 ҳазор ва барои ҷойҳои сеюм — 10 ҳазор сомонӣ муқаррар шудааст.

                                                                                        АКС аз манбаъҳои боз

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...