-10.7 C
Tajikistan
Sunday, January 29, 2023

ҲАМЛАИ ТАҶОВУЗКОРОНАИ ҚИРҒИЗИСТОН. Куштори кӯдакону табибон ва мардуми осоишта сахттарин ҷиноят аст,- Садриддин Ҳасанзода, узви Иттифоқи нависандагони Тоҷикистон

Ба расми кўдакони дар натиҷаи ҳуҷуми таҷовузкоронаи низомиёни Ҷумҳурии Қирғизистон дар Исфара ҳалокгашта нигариста, дили кас хун мешавад. Куштори кӯдакону табибон ва мардуми осоишта сахтарин ҷиноят аст. Ин ҷинояти сангину  нобахшиданист ва набояд он ҷомеаи ҷаҳониро бетараф гузорад. Таърих чунин бераҳмиро   зиёд дар ёд дорад ва башарият баъди садсолаҳо ҳам  содиркунандагони  онро  нафрину  сарзаниш мекунанд. Магар инсони солим  метавонад дар ҳаққи фарзанди як каси дигар, боз бачаи ҳамсоя чунин разолатро раво бинад?!, — изҳор дошт Садриддин Ҳасанзода узви Иттифоқи нависандагони Тоҷикистон, барандаи Ҷоизаи Иттифоқи журналистони Тоҷикистон ба номи А. Лоҳутӣ Садриддин Ҳасанзода.

«Дар таърих мо бо ягон давлат ҷанг накардаем. Агар касе ба сарзамини мо ҳуҷум карда бошад, мо муқовимат ва дифоъ аз худ кардаем ва билохира пирӯз ҳам шудаем»,  гуфтаҳои шоири  зиндаёди  тоҷик Муъмин Қаноатро ёдовар шуд Садриддин Ҳасанзода.

«Қариб аксари мардуми Қирғизистон давлату ҳукуматашонро эътироф намекунанд. Ҳамеша ба пешниҳоду амалкардҳои президенти худ муқовимат менамоянд. Қариб ҳар сол дар Қирғизистон исён мекунанд.  Ҳамин аст, ки дар ин давлат президентҳо зуд-зуд иваз мешаванд ва сатҳи ҷинояту ҷинояткорӣ дар ин кишвар меафзояд. Дар ин давлат гурӯҳҳои мухталиф амал ва худсарона шӯришу иғвоҳо барпо мекунанд. Ҳамла бар сарзамини мо низ дар пайи дасисаҳои ҳамин гурӯҳҳои иғвогару манфиатҷў тарҳрезӣ шудааст», -таъкид намуд нависанда.

Номбурда тазаккур дод, ки «имрӯз мо бо ҳамсоякишварҳои   худ дӯсту бародар ҳастем, ки ин аз иттиҳоди мардум ва пуштибонӣ аз сиёсати давлату ҳукуматамон, бахусус сиёсати сулҳпарваронаи Пешвои миллат муҳтарам Эмомалӣ Раҳмон  сарчашма мегирад. Имрӯз Тоҷикистон бо тамоми кишварҳои дунё муносибатҳои дӯстона ва ҳамкории мутақобила ба роҳ мондааст. Яке аз онҳо- дӯстӣ миёни Тоҷикистон ва Узбекистон аст, ки ба шарофати Сарони ин давлатҳо ва сиёсати хирадмандонаи онҳо  дар фазои суботу оромӣ зиндагӣ дошта,  ҳар ду ҷониб аз ин муносиботи  хуб манфиати зиёд мебинанд».

Фирӯза ДАВЛАТЗОДА,
АМИТ «Ховар»

АКС: АМИТ «Ховар»

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...