Дар Душанбе мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода ва муовини Вазири молияи Давлати Кувайт Асил Сулайман Ас-Саад Ал-Мунифӣ баргузор гардид, ки зимни он масъалаҳои дарёфти самтҳои нави ҳамкории тиҷоратию иқтисодӣ мавриди баррасӣ қарор дода шуданд.
Тавре АМИТ «Ховар» иттилоъ медиҳад, дар мулоқот имконияти сармоягузории ҷумҳурӣ ва дастгирии сармоягузорӣ дар доираи Солҳои рушди саноат (2022-2026) ва тақвияти ҳамкории дуҷониба баррасӣ гардид. Ҳамзамон доир ба соҳаҳои афзалиятноки сармоягузории мамлакат ва имтиёзҳо барои сармоягузорон иттилоъ дода шуд.
Мувофиқа ҳосил шуд, ки ҷиҳати баргузори Форуми сармоягузории Тоҷикистон ва Кувайт кор бурда шавад.
Дар анҷоми вохӯрӣ ҷонибҳо омодагии худро доир ба тақвият бахшидани ҳамкорӣ изҳор намуданд.
Дар маҷмӯъ, мулоқоти мазкур дар фазои ҳамдигарфаҳмӣ ва ҳусни тафоҳум доир гардида, миёни ҷонибҳо масъалаҳои дарёфти самтҳои нави ҳамкории тиҷоратию иқтисодӣ ва сармоягузорӣ баррасӣ гардиданд.
АКС: Кумитаи давлатии сармоягузорӣ ва идораи амволи давлатии Ҷумҳурии Тоҷикистон