Дар натиҷаи мулоқоти навбатии гурӯҳҳои кории Тоҷикистон ва Қирғизистон, ки 18 сентябр дар гузаргоҳи сарҳадии «Гулистон» баргузор гардид, роҳ ба сӯи Ҷамоати деҳоти Ворухи шаҳри Исфараи ҶТ кушода шуд.
Дар мулоқот ҷонибҳо бори дигар бар зарурати бо роҳи гуфтушунид ҳал намудани масъалаҳои мавҷуда таъкид карданд.
Ҳамзамон муҳим шуморида шуд, ки шартҳои оташбас риоя гардида, оқибатҳои даргириҳои марзӣ ҳарчи зудтар бартараф карда шаванд.
Гурӯҳҳои корӣ ба мувофиқа расиданд, ки роҳҳо барои рафтуомад кушода шуда, ҳаракати нақлиёт таъмин гардад.
