-10.7 C
Tajikistan
Sunday, January 29, 2023

Ҳайати шаҳри Липетск бо мақсади дарёфти роҳҳои нави ҳамкорӣ ба шаҳри Хуҷанд омад

Имрӯз Раиси шаҳри Хуҷанд Фирдавс Шарифзода ҳайати меҳмонони шаҳри Липетски Федератсияи Россияро, ки бо сафари корӣ ба шаҳри Хуҷанди вилояти Суғд омадааст, ба ҳузур пазируфт, хабар медиҳад АМИТ «Ховар» бо истинод ба мақомоти иҷрояи ҳокимияти давлатии шаҳри Хуҷанд.

Фирдавс Шарифзода зикр кард, ки “бо шарофати сиёсати оқилонаи роҳбарияти олии давлатҳои Тоҷикистон ва Россия  дар роҳи рушд ва таҳкими муносибатҳои шарикии стратегӣ, ки дарвоқеъ имрӯз тамоми самтҳои асосии ҳамкориро фаро мегиранд, мо ба натиҷаҳои назаррас ноил гардида истодаем”.

Таҳкими ҳамкории минтақавии ин ду кишвари стратегӣ дар сатҳи шаҳру вилоятҳо бозгӯи густариши пайваста мебошад.

Фирдавс Шарифзода гуфт, ки шаҳри Хуҷанд дорои зарфияти бузурги ҳамкорӣ дар бахшҳои мухталифи иқтисодиву иҷтимоӣ ва фарҳангӣ мебошад. Изҳори умедворӣ карда шуд, ки меҳмонон баъди шиносоии пурра бо имконоти мавҷудаи шаҳри бостонии Хуҷанд дар таҳкими минбаъдаи ҳамкорӣ саҳм мегузоранд.

Раиси Шӯрои вакилони шаҳри Липетск Александр Афанасев аз пазироии гарму самимӣ изҳори миннатдорӣ намуда, аз ҷумла иброз дошт, ки “ҳадаф аз сафари ҳайат дарёфти роҳҳои нави ҳамкорӣ, истифодаи зарфияти мавҷуда ва тақвияти ҳамкории минбаъдаи шаҳрҳои Хуҷанду Липетск мебошад”.

Ба ҳайати меҳмонон муовини Раиси шаҳри Липетск Ирина Артёмова, мудири департаменти маорифи шаҳри Липетск Светлана Бедрова ва сардори раёсати корҳои маъмурияти шаҳр Наталя Попова шомиланд.

Тибқи нақша, имрӯз ҳайати меҳмонони Липетски Федератсияи Россия аз Регистони Панҷшанбе, Маҷмааи таърихиву фарҳангии Қалъаи Хуҷанд, Осорхонаи таърихии вилояти Суғд, корхонаҳои Минтақаи озоди иқтисодии «Суғд» боздид намуда, дар Форуми тиҷоратии доираҳои соҳибкории вилояти Суғд ва кишвари Красноярск иштирок мекунад.

АКС: Маркази матбуоти Раиси шаҳри Хуҷанд

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...