-10.7 C
Tajikistan
Sunday, January 29, 2023

«ТЕКСТИЛЛЕГПРОМ». Зарфияти нассоҷӣ ва дӯзандагии Тоҷикистон дар намоишгоҳи байналмилалӣ ба маърази тамошо гузошта мешавад

Нуҳ корхонаи нассоҷӣ ва дӯзандагӣ Тоҷикистонро дар Намоишгоҳи байналмилалии «Текстиллегпром», ки бузургтарин намоишгоҳи тахассусӣ дар Иттиҳоди Давлатҳои Мустақил /ИДМ/ буда, 6 сентябр дар Москва оғоз гардид, намояндагӣ мекунанд. Инҳо корхонаҳои нассоҷию дӯзандагии «Ваҳдат Текстил», «KOTA Глобал», «Нассоҷи Хуҷанд», «Ноҳид», «Oртекс», «Раҳимов А. А.», «Сифат Саноат» «ТoҷТекс» ва «ХИМА Текстил» мебошанд. Дар ин бора ба АМИТ «Ховар» дар намояндагии Маркази тиҷорати байналмилалӣ /МТБ/ иттилоъ доданд.

Дастовардҳои навтарини Тоҷикистон дар истеҳсоли ришта, матои пахтагин ва либосворӣ дар доираи намоишгоҳ дар толори НКХХ то 9 сентябр ба маъраз гузошта мешаванд.

Ин сафар ва иштироки корхонаҳои Тоҷикистон дар намоишгоҳ дар чаҳорчӯбаи Барномаи ҷаҳонии нассоҷӣ ва дӯзандагӣ (GTEX)-и МТБ ва дар ҳамкорӣ бо Палатаи савдо ва саноати Ҷумҳурии Тоҷикистон ва Иттифоқи рушди бахши хусусии Тоҷикистон баргузор мешавад. Иштироки ҳайати Тоҷикистонро дар намоишгоҳ ширкатҳои машваратии «ACT Development» (Душанбе) ва «Business Consulting Group» (Хуҷанд), ҳамкорони МТБ танзим намуда, ҳайатро дар намоишгоҳ роҳбаладӣ мекунанд.

Беш аз даҳ сол аст, ки «Текстиллегпром» имкони хуберо фароҳам меорад, то ширкатҳои Тоҷикистон маҳсулоти худро дар саҳнаи байналмилалӣ ба намоиш гузошта, бо харидорони эҳтимолӣ робитаи мустақим барқарор карда, ҷуғрофиёи бозори худро тавсеа бахшанд.

Тоҷикистон дар ин намоишгоҳ бори 14-ум аст, ки иштирок мекунад ва дар ин муддат ширкатҳои Тоҷикистон тавонистанд барои кишвар имиҷи манбаи маҳсулоти олисифати нассоҷӣ ва дӯзандагӣ бисозанд. Корхонаҳои Тоҷикистон маҳсулоти тайёр, ба монанди либоси мардонаву занонаву кӯдакона, либосҳои варзишию махсус ва ғайраро ба намоиш мегузоранд.

Ҳайати Тоҷикистон ҳамчунин бо ҳамкорони эҳтимолии тиҷоратӣ вохӯрда, бо фанновариҳои замонавии дӯзандагӣ ва равандҳои нав дар ҷаҳони мӯд шинос мешавад.

АКС аз манбаъҳои боз

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...