6 сентябр муовини Вазири корҳои хориҷии Ҷумҳурии Тоҷикистон Музаффар Ҳусейнзода нусхаи эътимодномаи Роҳбари навтаъйини Намояндагии Иттиҳоди Аврупо дар Ҷумҳурии Тоҷикистон Раймундус Кароблисро қабул кард. Дар ин бора МД «Ҷаҳоннамо» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар вохӯрӣ ҷонибҳо перомуни муносибатҳои дуҷонибаи Тоҷикистон ва Иттиҳоди Аврупо дар соҳаҳои сиёсӣ, иқтисодӣ ва гуманитарӣ, инчунин густариши ҳамкории минтақавӣ табодули афкор намуданд.
Муовини Вазири корҳои хориҷӣ роҳбари нави Намояндагиро ба муносибати ба ин вазифа таъйин шуданаш табрик намуда, ҷиҳати пешбурди рисолати дипломатияш дар Ҷумҳурии Тоҷикистон комёбиҳо таманно намуд.
Ёдовар мешавем, ки Раймундус Кароблис дар ин маснад Мэрилин Йосефсонро иваз намуд.