-13.9 C
Tajikistan
Wednesday, March 22, 2023

Дар Москва ҷаласаи навбатии Шӯрои ҷамъиятии назди Сафорати Тоҷикистон дар Русия баргузор шуд

 Дар шаҳри Москва 3 сентябр ҷаласаи навбатии Шӯрои ҷамъиятии назди Сафорати Тоҷикистон дар Русия бо роҳбарии Сафир Давлатшоҳ Гулмаҳмадзода баргузор шуд. Дар ин бора ба АМИТ «Ховар» дар Сафорати Тоҷикистон дар Русия хабар доданд.

Дар нишаст роҳбарони ташкилоти ҷамъиятии тоҷикони муқими Русия, намояндагону фаъолони ҷамъиятҳо, чеҳраҳои маъруфи аҳли зиё ва доираҳои соҳибкорӣ аз ҳисоби ҳамватанони муқим, инчунин консулҳои генералии Тоҷикистон дар минтақаҳои Русия иштирок карданд.

Зимни суханронии Сафири Тоҷикистон ба таваҷҷуҳи аҳли нишаст дар бораи ҷанбаҳои муҳими сиёсати дохилию хориҷии давлат бо роҳбарии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҳусни ҳамҷаворию дӯстӣ дар минтақа, муносибатҳои фарогири дӯстонаи Тоҷикистону Русия маълумоти муфассал пешниҳод гардид.

Дар зимн роҷеъ ба аҳаммияти сарнавиштсози Иҷлосияи XVI Шӯрои Олии Ҷумҳурии Точикистон дар таърихи навини точикон сухан рафт. Зикр гардид, ки маҳз ҳамин Иҷлосияи сарнавиштсоз кишвари моро аз вартаи ҳалокат наҷот дода, пояҳои давлати тозабунёди тоҷиконро таҳким бахшид.


Иҷлосияи мазкур ба рушду таҳкими давлатдории навин ва истиқлолияти воқеии Тоҷикистон, тамомияти арзӣ, ваҳдати миллӣ ва истиқрори сулҳ дар сарзамини бостонӣ, татбиқи ислоҳоти сиёсиву ҳуқуқӣ, иқтисодӣ ва иҷтимоӣ дар роҳи бунёди ҷомеаи шаҳрвандӣ замина гузошт. Ҳамаи дастовардҳои назарраси даврони истиқлолият маҳз бо ҳамин иҷлосияи сарнавиштсози таърихӣ иртиботи қавӣ доранд.

Сафири Тоҷикистон ҳамчунин дастовардҳои назарраси даврони истиқлолияти давлатиро таъкид карда, аз ҳамватанони муқими Русия баҳри таҳкими минбаъдаи робитаҳо бо Тоҷикистон ва рушди ҳамкории фарҳангию иқтисодӣ, инчунин тарбияи ҷавонон дар рӯҳияи ваҳдати миллӣ ва меҳанпарастӣ бо мақсади пешгирии амалҳои номатлуб даъват ба амал овард.

Илова бар ин дар ҷаласа масъалаҳои таъсиси котибот ва гурӯҳи кории Шӯрои ҷамъиятии тоҷикон дар Русия матраҳ гардиданд.

Ҳамчунин ҳисоботу гузоришҳо оид ба корҳои анҷомдода ва таклифҳои консулҳои генералӣ ва аъзои Шӯрои ҷамъиятӣ шунида шуданд.

Сафир аз роҳбарони созмонҳои ҷамъиятии тоҷикон ва ҳамватанон даъват ба амал овард, ки ҷиҳати баргузор намудани чорабиниҳои муштараки илмию фарҳангӣ ва варзишӣ бо мақсади истиқболи арзандаи 35-солагии Истиқлолияти давлатии кишвар ҳамкории фаъолона ба роҳ монанд.

Дар фарҷоми ҷаласа Роҳбари Намояндагии дипломатии Тоҷикистон ҳозиринро ба муносибати 31-солагии Истиқлолияти давлатии Ҷумҳурии Тоҷикистон табрик гуфт.

Ҳамчунин дар доираи ҷаласаи Шӯро ба истиқболи ин санаи муҳим бо Фармони Президенти Ҷумҳурии Тоҷикистон Шарифов Б. Қ., намояндаи Палатаи савдову саноати Федератсияи Русия дар Ҷумҳурии Тоҷикистон ва Ахмедов Б.Б., табиби тоҷики муқими Федератсияи Русия бо ордени “Дӯстӣ” сарфароз гардонида шуданд.

Акс: ВКХ ҶТ

Latest news

Сарвари давлат Эмомалӣ Раҳмон дар шаҳри Душанбе бинои нави маъмурии Нозироти андози ноҳияи Синоро ифтитоҳ намуданд

13 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии...

Пешвои миллат Эмомалӣ Раҳмон дар шаҳри Душанбе бинои нави Литсейи равияи табиию риёзии Донишгоҳи миллии Тоҷикистонро мавриди баҳрабардорӣ қарор доданд

13 март дар шаҳри Душанбе Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии...

Президенти Тоҷикистон Эмомалӣ Раҳмон дар шаҳри Душанбе барои навсозии кӯчаи Абдулаҳад Қаҳҳоров санги асос гузоштанд

13 март Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии Тоҷикистон, Раиси...

Брифинги намояндаи доимии Ҷумҳурии Тоҷикистон дар назди ЮНЕСКО оид ба конфронси оби СММ доир гардид

 Дар қароргоҳи ЮНЕСКО — ташкилоти Созмони Милали Муттаҳид /СММ/ оид ба масъалаҳои маориф, илм ва фарҳанг, воқеъ дар Париж дар доираи вохӯрии...

Related news

Сарвари давлат Эмомалӣ Раҳмон дар шаҳри Душанбе бинои нави маъмурии Нозироти андози ноҳияи Синоро ифтитоҳ намуданд

13 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии...

Пешвои миллат Эмомалӣ Раҳмон дар шаҳри Душанбе бинои нави Литсейи равияи табиию риёзии Донишгоҳи миллии Тоҷикистонро мавриди баҳрабардорӣ қарор доданд

13 март дар шаҳри Душанбе Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии...

Президенти Тоҷикистон Эмомалӣ Раҳмон дар шаҳри Душанбе барои навсозии кӯчаи Абдулаҳад Қаҳҳоров санги асос гузоштанд

13 март Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Маҷлиси миллии Маҷлиси Олии Ҷумҳурии Тоҷикистон, Раиси...

Брифинги намояндаи доимии Ҷумҳурии Тоҷикистон дар назди ЮНЕСКО оид ба конфронси оби СММ доир гардид

 Дар қароргоҳи ЮНЕСКО — ташкилоти Созмони Милали Муттаҳид /СММ/ оид ба масъалаҳои маориф, илм ва фарҳанг, воқеъ дар Париж дар доираи вохӯрии...