Дар шаҳри Боку бо ташаббуси Сафорати Ҷумҳурии Тоҷикистон дар Ҷумҳурии Озарбойҷон 3 сентябр бахшида ба 31-солагии Истиқлолияти давлатии Ҷумҳурии Тоҷикистон ҳамоиш баргузор гардид.
Дар ҳамоиш намояндагони сохторҳои давлатии кишвари иқомат, сафоратҳо ва созмонҳои байналмилалӣ, ки дар шаҳри Боку ба қайд гирифта шудаанд, ширкат варзиданд.
Зимни ҳамоиш Сафири Ҷумҳурии Тоҷикистон дар Ҷумҳурии Озарбойҷон Рустам Солӣ дар бораи дастовардҳои ҷумҳурӣ дар даврони Истиқлолияти давлатӣ, ҳадафҳои стратегии кишвар, ташаббусҳои байналмилалии Ҳукумати Тоҷикистон сухан гуфт.Ёдовар мешавем, ки Рӯзи Истиқлолияти Ҷумҳурии Тоҷикистон 9 сентябри соли 1991 эълон шуд. Ҳар сол дар Ҷумҳурии Тоҷикистон 9 сентябр Рӯзи истиқлолияти давлатии Ҷумҳурии Тоҷикистон ҷашн гирифта мешавад.
ВКХ ҶТ