-10.7 C
Tajikistan
Sunday, January 29, 2023

Телевизиони «Сайёҳӣ ва ҳунарҳои мардумӣ» тавассути моҳвораи «YAHSAT» дар саросари Тоҷикистон пахш мегардад

Шурӯъ аз 1 сентябри соли равон телевизиони «Сайёҳӣ ва ҳунарҳои мардумӣ» дар саросари Тоҷикистон тавассути моҳвораи «YAHSAT» дар ҳаҷми 16 соат пахш мегардад.

Дар аввал пахши барномаҳои телевизиони «Сайёҳӣ ва ҳунарҳои мардумӣ» бо фарогирии мавҷи ноқилӣ пешкаши тамошобинон карда мешуд. Аз ин пас тамоми сокинони мамлакат метавонанд тавассути моҳвораи «YAHSAT» аз имконияти сайёҳии ҷумҳурӣ, хатсайрҳои сайёҳӣ, ошхонаву тарабхонаҳо, осоишгоҳҳо, нуқтаҳои савдои сайёҳӣ, фурӯшгоҳҳои армуғонӣ, озмуну барномаҳои сайёҳӣ ва анъанаю ҳунарҳои мардумӣ воқиф гарданд.

Телевизиони «Сайёҳӣ ва ҳунарҳои мардумӣ» тибқи оинномаи муассиса барномаҳои худро бо забони давлатӣ ва забонҳои хориҷӣ пахш менамояд.

Муассисаи давлатии телевизиони «Сайёҳӣ ва ҳунарҳои мардумӣ» аз дастгоҳи марказӣ, раёсатҳо, шуъбаҳои эҷодӣ ва ҳайати техникӣ таркиб ёфтааст. Дар айни замон барномаҳои «Эъҷоз», «Диёр», «Гардиш», «Соҳибҳунар», «Ривоят ва ҳақиқат», «Як рӯзи деҳа», «Гулдаст», «Тақвим», «Шифобахш», «Зиннатафзо», «Нигоҳи сайёҳ», «Меҳмонхона», «Тарабхона» ва барномаи иттилоотии «Паём» ҳамарӯза бо се забон пахш мегарданд.

Барномаҳои мазкур инъикосгари беҳтарин маконҳои гардишгарӣ, эҳёи ҳунарҳои мардумӣ, рушди сайёҳии дохилӣ, мавзеъҳои таърихӣ ва хабару гузоришҳои фаврӣ мебошанд.

Огоҳ намудани аҳолии мамлакат аз хабарҳои муҳим, барномаҳои сайёҳӣ ва ҳунарҳои мардумӣ, ҷалби васеи табақаҳои гуногуни ҷомеа ба рушди ҳунарҳои мардумӣ, бедор намудани шавқи ҷомеа ба он, фароҳам овардани шароити зарурии моддию техникӣ дар самти таҳкими рушди сайёҳӣ ва ҷалби бештари сайёҳони хориҷӣ ба мамлакат рисолати асосии телевизиони «Сайёҳӣ ва ҳунарҳои мардумӣ» дониста шуда, баҳри иҷрои ин амал кормандони ин муассиса ҳамвора талош менамоянд.

Ёдовар мешавем, ки Телевизиони «Сайёҳӣ ва ҳунарҳои мардумӣ» 1 апрели соли равон дар фазои тантанавӣ дар мамлакат кушода шуд. Дар маросими ифтитоҳи он Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Эмомалӣ Насриддинзода, Раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид, Директори Муассисаи давлатии Телевизиони «Сайёҳӣ ва ҳунарҳои мардумӣ» Дилафрӯз Амирзода ва дигар шахсони расмӣ иштирок намуданд.

АКС аз манбаъҳои боз

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...