Сафири навтаъйини Фавқулода ва Мухтори Украина дар Ҷумҳурии Тоҷикистон Валерий Евдокимов ба Душанбе омад. Дар ин бора ба МД «Ҷаҳоннамо» дар Вазорати корҳои хориҷии Ҷумҳурии Тоҷикистон хабар доданд.
«2 сентябр дар Вазорати корҳои хориҷӣ Сафири Фавқулода ва Мухтори Украина дар Ҷумҳурии Тоҷикистон Валерий Евдокимов нусхаи эътимодномаи худро ба муовини Вазири корҳои хориҷӣ Содиқ Имомӣ тақдим намуд»,- иттилоъ доданд дар Вазорат.
Зимни маросим табодули афкор перомуни масъалаҳои мубрами муносибатҳои Тоҷикистон ва Украина ва ҳамкории ду кишвар дар доираи созмонҳои байналмилалӣ анҷом дода шуд.
С.Имомӣ ба В.Евдокимов дар амалисозии фаъолияти худ ба мақсади рушди минбаъдаи муносибатҳои Тоҷикистон ва Украина муваффақият орзу намуд.
Валерий Евдокимов дар ин маснад Василий Серватюкро, ки аз соли 2019 сафири Тоҷикистон буд, иваз намуд.