-9.1 C
Tajikistan
Tuesday, January 31, 2023

Миёни Тоҷикистон ва Русия беш аз 200 санади ҳамкорӣ ба имзо расиданд

Миёни Тоҷикистон ва Русия беш аз 200 санади ҳамкорӣ ба имзо расидаанд, ки асоси ҳамкории минбаъдаи кишварҳо дар бахшҳои таълимӣ ва илмию тадқиқотӣ маҳсуб мешаванд. Дар ин бора дирӯз, 1 сентябр, Президенти Тоҷикистон Эмомалӣ Раҳмон зимни ифтитоҳи 5 мактаби миёнаи раванди таҳсилашон ба забони русӣ дар ҷумҳурӣ хабар доданд.

«Дар давраи гузашта (30 соли равобити дипломатӣ миёни Тоҷикистон ва Русия – тавзеҳи АМИТ «Ховар») заминаи зарурии шартномавию ҳуқуқии бахшҳои таълимӣ ва илмию тадқиқотии муносибатҳои мо фароҳам гардид. Дар сатҳи ҳукуматҳо, идораҳои соҳавӣ ва донишгоҳҳои ду кишвар зиёда аз 200 санад оид ба ҳамкории дуҷониба ба имзо расидаанд, ки ҳамчун заминаи боэътимоди густариши минбаъдаи ҳамкорӣ дар соҳаҳои маориф ва илм хизмат менамоянд», — иброз доштанд Сарвари давлат.

Президенти Тоҷикистон ёдовар шуданд, ки соли 2020 дар доираи Шӯрои сарони давлатҳои Иттиҳоди Давлатҳои Мустақил тасмим гирифта шуда буд, ки соли 2023 Соли забони русӣ эълон гардад. «Дар ин замина, мо ба мувофиқа расидем, ки барои дастгирӣ ва инкишофи забони русӣ дар кишварҳои Иттиҳод, аз ҷумла дар Тоҷикистон тадбирҳои иловагӣ андешида шаванд», — хулоса карданд Пешвои миллат. Маросим ба таври маҷозӣ баргузор шуда, дар он Президенти Русия Владимир Путин низ ширкат дошт.

Мактабҳои таҳсилашон ба забони русӣ дар шаҳрҳои Бохтар, Душанбе, Кӯлоб, Турсунзода ва Хуҷанд кушода шуданд. Барномаи таълимӣ дар онҳо махсус барои Тоҷикистон мутобиқ карда шуда, дар онҳо омӯзгорони рус дарс медиҳанд.

Ёдовар мешавем, ки созишномаи байниҳукуматӣ дар бораи бунёди 5 мактаби русӣ дар Тоҷикистон 17 апрели соли 2019 дар ҷараёни сафари расмии Президенти Тоҷикистон Эмомалӣ Раҳмон ба Русия дар шаҳри Москва ба имзо расида буд.

Қаблан, 4 апрели соли 2003 Фармони Президенти Ҷумҳурии Тоҷикистон «Дар бораи такмили таълим ва омӯзиши забонҳои русӣ ва англисӣ дар Тоҷикистон» ба нашр расид, ки тибқи он якчанд барномаҳои давлатӣ қабул шудаанд. Охирини он — Барномаи давлатии такмили таълим ва омӯзиши забонҳои русӣ ва англисӣ дар Ҷумҳурии Тоҷикистон барои давраи то соли 2030 мебошад, ки бо қарори Ҳукумати ҶТ аз 30 августи соли 2019 тасдиқ шудааст.

АКС: Хадамоти матбуоти Президенти ҶТ/ АМИТ «Ховар»

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...