Бо ибтикори Сафорати Ҷумҳурии Тоҷикистон дар Ҷопон дар ҳамбастагӣ бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Дафтари мусоидат ба рушди сармоягузорӣ ва технологияи Ташкилоти СММ оид ба рушди cаноат (ITPO Tokyo, UNIDO) роҷеъ ба муаррифии имконияти сармоягузории Тоҷикистон дар Ҷопон вебинар баргузор гардид.
Сафири Тоҷикистон дар Ҷопон Мирзошариф Ҷалолов бо сухани ифтитоҳӣ вебинарро оғоз бахшида, намояндаи Кумитаи давлатии сармоягузорӣ ва амволи давлатӣ бо рӯнамо дар бораи имконияти сармоягузории Ҷумҳурии Тоҷикистон, намояндаи Агентии Ҷопон оид ба ҳамкории байналмилалӣ (JICA) дар Душанбе дар барои фаъолияташ дар Тоҷикистон ва инчунин намояндаи корхонаи муштараки “Авалин” баромад намуданд.
Дар ҳамоиш намояндагони қариб 100 корпоратсия, корхонаҳои бузург ва доираҳои сармоягузории Ҷопон ширкат варзиданд.
Акс: ВКХ ҶТ