-10.7 C
Tajikistan
Sunday, January 29, 2023

Дар Тоҷикистон боз як корхонаи истеҳсоли семент ба кор медарояд

Тибқи созишномаи сармоягузорие, ки чанде қабл Ҳукумати мамлакат бо ширкати «Ориён Инвест» ба тасвиб расонид, дар ноҳияи Қубодиёни вилояти Хатлон корхонаи истеҳсоли семент бунёд мегардад.

Бино ба маълумоти мавҷуда, ширкати истеҳсолӣ-сармоягузории «Ориён Инвест» соли 2015 бо қарори муассисони ҶСК «Ориёнбонк» таъсис ёфтааст. Фаъолияти асосии ширкат ба пешниҳоди хизматрасонии сармоягузорӣ ва истеҳсолӣ дар самти иқтисодиёт нигаронида шудааст, гуфта мешавад дар муаррифиномаи сомонаи ширкат.

Дар айни замон дар Тоҷикистон 16 корхонаи истеҳсоли семент фаъолият мекунанд. Иқтидори умумии солонаи онҳо 5,6 миллион тонна маҳсулот мебошад.

Истеҳсолкунандагони асосӣ ҶДММ «Ҷунтай Моҳир» ва ҶДММ «Хуаксин Ғаюр Семент» дар Ёвон, инчунин «Хуаксин Ғаюр Семент» (Суғд) мебошанд.

Ёдовар мешавем, ки соли 2021 дар кишвар беш аз 4,2 миллион тонна семент истеҳсол шудааст. Тибқи омор, ҳамасола ҳудуди 1,5 миллион тонна аз ҳаҷми умумии маҳсулот ба кишварҳои ҳамсоя содирот карда мешавад.

Тавре қаблан АМИТ «Ховар» хабар дод, Тоҷикистон ба содиркунандаи асосии семент ба Узбекистон табдил ёфтааст. Дар ин бора дар хадамоти матбуоти Кумитаи омори Узбекистон иттилоъ доданд. Тибқи ҳисоботи кумита, моҳҳои январ-июли соли 2022 ба Узбекистон 1,3 миллион тонна семент ба маблағи умумии 52,5 миллион доллар ворид шудааст.

Дар 7 моҳи соли 2022 Узбекистон аз Тоҷикистон 533 ҳазор тонна семент харидааст.

Дар маҷмӯъ, воридоти ин маҳсулот ба кишвари ҳамсоя коҳиш ёфтааст, таъкид карданд дар хадамот. Ҳамин тариқ, аз моҳи январ то июл воридоти семент нисбат ба ҳамин давраи соли 2021 421 ҳазор тонна кам шудааст.

Дар умум ҷумҳурӣ 1,3 миллион тонна семент ба маблағи 52,5 миллион доллар ба даст овардааст.

Дар Кумитаи давлатии омор ҳамчунин дигар содиркунандагони ин маҳсулотро ба Узбекистон ном бурданд. Баъд аз Тоҷикистон Қирғизистон қарор дорад. Аз ин кишвар ба мамлакати ҳамсоя 385 ҳазор тонна семент фиристода шудааст.

АКС аз манбаъҳои боз

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...