-10.7 C
Tajikistan
Sunday, January 29, 2023

БА ИСТИҚБОЛИ 35-СОЛАГИИ ИСТИҚЛОЛИЯТИ ДАВЛАТӢ. Қалъаи бостонии Кӯлоб барқарор мешавад

 Бахшида ба 35-солагии Истиқлолияти давлатии Ҷумҳурии Тоҷикистон дар зиёда аз 100 иншооти шаҳри Кӯлоб корҳои сохтмонӣ идома дошта, то арафаи ҷашни фархунда мувофиқи нақшаи дурнамо 462 адади он ба истифода дода мешаванд.

Дар маркази шаҳри Кӯлоб сохтмони қалъаи Кӯлоб идома дорад, ки дар рушди соҳаи сайёҳӣ ва муаррифии таъриху фарҳанги сокинони ин минтақа нақши муҳим мегузорад. Дар иншооти барқарорсозии қалъаи бостонии Кӯлоб дар айни замон 3 пудратчӣ- ҶДММ «Сайёр», ҶДММ «Ҷобир сохтмон» ва ҶДММ «Ниагара-а» фаъолият дошта, кӯшиш доранд корҳои сохтмониро бо сифати баланд ба анҷом расонанд.

Қалъаи шаҳри Кӯлоб муаррифи таърих, фарҳанг ва сиёсати он дар масири таърих ба шумор меравад. Шаҳри Кӯлоб чун яке аз шаҳрҳои қадимии суннатии тоҷикон дар тӯли таърихи 2700-солаи худ борҳо бозсозӣ гашта, вобаста ба вазъи сиёсию иқтисодӣ ва фарҳангии мамлакат тарҳи он тағйироти куллӣ дидааст. Бо мақсади дар оянда ба таври ҳамаҷониба муаррифӣ намудани ин шаҳри бостонӣ бо дастгирии Ҳукумати Ҷумҳурии Тоҷикистон дар маркази шаҳри Кӯлоб сохтмони қалъаи қадимӣ ба роҳ монда шудааст, ки насли оянда аз таъриху тамаддуни он бархурдор мегардад. Иншоот дар маркази шаҳр бо машварати олимону мутахассисон ва бостоншиносон бунёд гардида, зимни навсозӣ рукнҳои сохтмонии аҳди қадим риоя карда мешаванд. Бунёди қалъаи мазкур соли 2018 оғоз гардида буд.

Корманди Маркази ҳамоҳангсозии шаҳр Худойдод Зуҳуров ба хабарнигори минтақавии АМИТ «Ховар» иттилоъ дод, ки «барои анҷоми муваффақонаи корҳои сохтмонӣ беҳтарин ширкатҳои сохтмонии ватанӣ бо мутахассисони варзида ҷалб карда шуда, дар айни замон беш аз 60 нафар коргарон ба корҳои андоваю оҳану бетонӣ ва бунёди деворҳои қалъа машғуланд. Коргарон аз маҳсулоти босифати сохтмонӣ ва техникаи соҳавӣ васеъ истифода мебаранд. Мутахассисони фармоишгар — Маркази ҳамоҳангсозии лоиҳаҳо оид ба таҷдид ва рушди иншооти инфрасохтори иҷтимоӣ ҷараёни корҳои сохтмонӣ ва сифати онро назорат мебаранд».

Мавриди зикр аст, ки қалъаи Кӯлоб дар шафати маҷмааи 2700-солагии шаҳри Кӯлоб ва Осорхонаи таъриху кишваршиносӣ бунёд гардида истодааст. Сайёҳони дохилию хориҷӣ минбаъд имкон пайдо менамоянд, ки дар як маврид аз онҳо дидан намуда, бо таъриху фарҳанги сокинони ин шаҳри бостонӣ шинос шаванд”.

АКС: АМИТ «Ховар»

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...