-10.7 C
Tajikistan
Sunday, January 29, 2023

Анҷумани VIII маҳфили «Ҷавононе, ки дар хориҷи кишвар таҳсил мекунанд» оғоз гардид

 Имрӯз дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон Анҷумани VIII маҳфили «Ҷавононе, ки дар хориҷи кишвар таҳсил мекунанд» ифтитоҳ гардид, иттилоъ медиҳад АМИТ «Ховар» бо истиснод бо Кумитаи мазкур.

Дар оғози ҳамоиш Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода иброз дошт, ки Ҳукумати Ҷумҳурии Тоҷикистон дар сиёсати пешгирифтаи худ ҳамеша ба қишри ҷавони кишвар аҳамияти хосса дода, барои соҳибкасбу соҳибдониш гардидани онҳо кулли шароити заруриро фароҳам овардааст.

«Ҳамин аст, ки имрӯз ҷавонони Тоҷикистон баробари таҳсил дар муассисаҳои олии кишвар ҳамчунин дар донишгоҳҳои давлатҳои хориҷӣ низ пайи таҳсиланд. Тибқи маълумот, айни ҳол дар 56 кишвари ҷаҳон ҷавонони мамлакат таҳсил доранд. Шумораи ҷавононе, ки дар хориҷи кишвар таҳсил мекунанд, 40 ҳазор нафарро ташкил медиҳад», — гуфт Абдулло Раҳмонзода.

Роҳбари маҳфили «Ҷавононе, ки дар хориҷи кишвар таҳсил мекунанд»-и Кумитаи кор бо ҷавонон ва варзиш Хусрав Аюбов зикр намуд, ки маҳфили мазкур дар доираи дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон аз соли 2014 дар назди Кумитаи кор бо ҷавонон ва варзиш таъсис дода шуда, айни ҳол намояндагии он дар 18 давлати дунё фаъолият менамояд.

«Имрӯз ҷавонони тоҷик дар бонуфузтарин донишгоҳҳои дунё таҳсили илм намуда, баҳри тарғибу ташвиқ ва муаррифии Тоҷикистон дар арсаи ҷаҳонӣ талош варзида истодаанд. Имрӯз аъзои маҳфил бахшида ба ҷашнҳои миллӣ ва давлатӣ бо доираи васеи тоҷикони муқими давлатҳои хориҷӣ ва намояндагии дигар давлатҳо барномаҳои гуногун доир менамоянд, ки ин барои муаррифии давлату миллат, фарҳанги волои тоҷикон ва дигар арзишҳои миллӣ заминаи мусоид фароҳам меорад»,- иброз дошт ӯ.

Фаъолияти намояндагиҳои маҳфил дар ин давра дар давлатҳои Русия, Ҷумҳурии Мардумии Чин, Қазоқистон, Украина, Беларус, Лаҳистон, Германия, ИМА, Туркия, Малайзия, Италия, Чехия ва Фаронса ба роҳ монда шудааст.

Ёдовар мешавем, ки кори Анҷумани VIII маҳфили «Ҷавононе, ки дар хориҷи кишвар таҳсил мекунанд» то 15 август идома меёбад.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Latest news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...

Related news

Тоҷикистон ва Арабистони Саудӣ масъалаҳои ҳамкории дуҷониба ва бисёрҷонибаро баррасӣ карданд

26 январ Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон...

Президенти Ҷумҳурии Тоҷикистон Эмомалӣ Раҳмон бо Президенти Туркманистон Сердар Бердимухамедов суҳбати телефонӣ анҷом доданд

Имрӯз суҳбати телефонии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Туркманистон муҳтарам Сердар Бердимухамедов...

Китоби «Tajik Linguistics» («Забоншиносии тоҷик») дар Аврупо ба нашр расид

Дар оғози соли равон тавассути нашрияи бонуфузи илмии «Walter de Gruyter GmbH», Berlin/Boston китоби «Tajik Linguistics» («Забоншиносии тоҷик») ба нашр расид.

«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд

Имрӯзҳо дар гўшаву канори Тоҷикистон мардум фарорасии иди Садаро барои якдигар шодбош гуфта, бо баргузории намоиш-фурӯши ниҳол, оростани хони идона ва базму...