5.5 C
Tajikistan
Tuesday, August 9, 2022

20 нафар хатмкунандагони Академияи идоракунии давлатӣ ба донишгоҳҳои хориҷи кишвар қабул гардиданд

Ҷиҳати идомаи таҳсил дар зинаи магистратура 20 нафар донишҷӯёни Академияи идоракунии давлатии назди Президенти Ҷумҳурии Тоҷикистон ба донишгоҳҳои хориҷи кишвар қабул гардиданд. Дар ин бора имрӯз зимни нишасти матбуотӣ Ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода иттилоъ дод.

Абдухалил Ғафурзода иброз дошт, ки Академия барои баланд бардоштани савияи дониш ва табодули таҷриба 70 нафар донишҷӯёнро ба донишгоҳҳои Қазоқистон ва Русия фиристондааст. Ҳамчунин Академия бо Донишгоҳи Авруосиёгии ба номи Л.Н. Гумилёви шаҳри Нур-Султони Ҷумҳурии Қазоқистон оид ба таҳия ва татбиқи барномаи таълимии муштарак созишнома имзо карддааст, ки тибқи он 8 нафар магистрантони курси 1-уми ихтисоси «Ҳуқуқи байналмилалӣ»-и Академия дар соли таҳсили 2021-2022 ба Донишгоҳи миллии АвруОсиёгии ба номи Л.Н. Гумилёви шаҳри Нур-Султони Ҷумҳурии Қазоқистон фиристонда шуданд.

Магистрантони мазкур соли таҳсилро пурра ҷамъбаст намуда, таҳсилро дар Академия аз оғози соли таҳсили 2022-2023 аз курси дуюм идома медиҳанд.

Зикр гардид, ки дар шуъбаи тайёркунии касбии хизматчиёни давлатӣ имсол як ихтисоси нав — «Мактаби давлатдории Эмомалӣ Раҳмон» аз рӯи ихтисосҳои идораи давлатӣ ва сиёсати берунӣ ва дипломатия таъсис дода шуд, ки барномаи магистрии мазкур як соли хонишро дар зинаи магистратура бо ҷалби хизматчиёни давлатии ботаҷриба фаро мегирад.

Тавре Ректори Академия Абдухалил Ғафурзода зикр намуд, аз миёни 286 довталаб ба шуъбаи магистратураи «Мактаби давлатдории Эмомалӣ Раҳмон» 46 нафар қабул карда шуданд. «Академияи идоракунии давлатии назди Президенти Ҷумҳурии Тоҷикистон дар асоси ризоият ва дастгирии Президенти Ҷумҳурии Тоҷикистон муҳтарам Эмомалӣ Раҳмон дар заминаи Академия магистратураи «Мактаби давлатдории Эмомалӣ Раҳмон» таъсис дод. Ҳадаф аз ташкили ин магистратура омӯзиши мактаби идоракунию давлатдории Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад. Барои ҳамаи мо, бахусус хизматчиёни давлатӣ, ки сиёсати давлатиро дар соҳаи идоракунии давлатӣ ва хизмати давлатӣ татбиқ менамоем, зарур аст мактаби бузурги давлатдории Пешвои миллатро омӯзем ва онро дар фаъолияти ҳаррӯза татбиқ намоем»,-ибрози андеша намуд А.Ғафурзода.

Иттилоъ дода шуд, ки моҳи марти соли 2022 дар Академия Шӯрои диссертатсионӣ оид ба дарёфти дараҷаи илмии доктори фалсафа (PhD), доктор аз рӯйи ихтисос ва ихтисосҳои анъанавии ҳуқуқшиносӣ аз ҷониби Комиссияи олии аттестатсионии назди Президенти Ҷумҳурии Тоҷикистон тасдиқ гардид.

Дар Академия Маркази иҷтимоии шахсони имконияташон маҳдуд ҷиҳати мусоидат ба амалишавии ҳуқуқҳои иҷтимоӣ, иқтисодӣ, фарҳангӣ ва сиёсии шахсони маъюб таъсис дода шудааст. Раёсати Академия дар доираи дастуру ҳидоятҳои Пешвои миллат муҳтарам Эмомалӣ Раҳмон пайваста ба ятимон, нафарони маъюб ва ашхоси камбизоат кумак менамояд.

Барои баланд бардоштани сифати таълиму тарбия ва хизматрасонии таълимӣ-методӣ, дастрасӣ ба маълумоти дақиқ, таъмини шаффофият ва осон намудани кори кормандону омӯзгорон Академия пурра ба автоматикунонии низоми таҳсил гузаштааст.

Latest news

ОЛИМПИАДАИ ШОҲМОТ ДАР ҲИНДУСТОН. Дастаи мардонаи Узбекистон дар ҷадвали мусобиқа пешсаф шуд, дастаи мунтахаби Тоҷикистон дар ҷои 77-ум қарор дорад

Дирӯз, 7 август, дар Олимпиадаи 44-уми шоҳмот дар Ченнайи Ҳиндустон даври 9-ум ба анҷом расид. Дастаи мардонаи Тоҷикистон пас аз шикаст дар...

ДЗЮДО. Ҳафт нафар паҳлавонони ҷавони тоҷик дар Чемпионати ҷаҳон дар Эквадор ширкат меварзанд

 Аз 10 то 13 август дар шаҳри Гуаякили кишвари Эквадор Чемпионати ҷаҳон оид ба гӯштини дзюдо миёни ҷавонон (Guayaquil World Championships Juniors...

АҲСАН! Сомон, Шодмон ва Темур аз Чемпионати Осиё оид ба гӯштини дзюдо бо медал бармегарданд

Аз 4 то 7 август дар шаҳри Нур-Султони Қазоқистон Чемпионати Осиё оид ба гӯштини дзюдо баргузор шуд, ки варзишгарони мо сазовори се...

Дар ноҳияи Данғара намоиши сайёри «Тоҷикистон–кишвари дарёҳои тиллоӣ» ифтитоҳ гардид

Имрӯз дар Осорхона — мамнӯъгоҳи ҷумҳуриявии ноҳияи Данғара шакли хурди намоиши сайёри «Тоҷикистон — кишвари дарёҳои тиллоӣ» ифтитоҳ гардид.

Related news

ОЛИМПИАДАИ ШОҲМОТ ДАР ҲИНДУСТОН. Дастаи мардонаи Узбекистон дар ҷадвали мусобиқа пешсаф шуд, дастаи мунтахаби Тоҷикистон дар ҷои 77-ум қарор дорад

Дирӯз, 7 август, дар Олимпиадаи 44-уми шоҳмот дар Ченнайи Ҳиндустон даври 9-ум ба анҷом расид. Дастаи мардонаи Тоҷикистон пас аз шикаст дар...

ДЗЮДО. Ҳафт нафар паҳлавонони ҷавони тоҷик дар Чемпионати ҷаҳон дар Эквадор ширкат меварзанд

 Аз 10 то 13 август дар шаҳри Гуаякили кишвари Эквадор Чемпионати ҷаҳон оид ба гӯштини дзюдо миёни ҷавонон (Guayaquil World Championships Juniors...

АҲСАН! Сомон, Шодмон ва Темур аз Чемпионати Осиё оид ба гӯштини дзюдо бо медал бармегарданд

Аз 4 то 7 август дар шаҳри Нур-Султони Қазоқистон Чемпионати Осиё оид ба гӯштини дзюдо баргузор шуд, ки варзишгарони мо сазовори се...

Дар ноҳияи Данғара намоиши сайёри «Тоҷикистон–кишвари дарёҳои тиллоӣ» ифтитоҳ гардид

Имрӯз дар Осорхона — мамнӯъгоҳи ҷумҳуриявии ноҳияи Данғара шакли хурди намоиши сайёри «Тоҷикистон — кишвари дарёҳои тиллоӣ» ифтитоҳ гардид.