Дастаи мардонаи Тоҷикистон дар даври 5-уми Олимпиадаи ҷаҳонии шоҳмот дар шаҳри Ченнайи Ҳиндустон бар дастаи Суринам бо ҳисоби 4:0 пирӯз шуд.
Дастаи мардонаи Тоҷикистон аз рӯи натиҷагирии 5 давр миёни 188 даста дар ҷои 52-юм қарор дорад.
Андора рақиби навбатии Тоҷикистон байни мардон мешавад. Дастаи мунтахаби занонаи кишвар аз Ирландия бо ҳисоби 0:4 шикаст хӯрд ва миёни 162 даста дар ҷои 104-ум қарор дорад.
Дар даври оянда духтарони мо бо шоҳмотбозони Суринам қувваозмоӣ мекунанд.
Ёдовар мешавем, ки 28 июл дар шаҳри Ченнай (Ҳиндустон) Олимпиадаи 44-уми шоҳмот оғоз шуд. Олимпиада, ки дар он намояндагони 186 кишвари ҷаҳон ширкат мекунанд, то 10 август идома меёбад.
АКС: «ТВ Варзиш»