2 август Вазири корҳои хориҷии Ҷумҳурии Тоҷикистон Сироҷиддин Муҳриддин Дабири кулли Шӯрои ҳамкории кишварҳои арабии Халиҷ доктор Нойиф Фалоҳ ал-Ҳаҷрафро ба ҳузур пазируфт, хабар медиҳад МД «Ҷаҳоннамо» бо истинод ба Вазорати корҳои хориҷӣ.
Зимни мулоқот ҷонибҳо масъалаҳои ҳамкории Тоҷикистон ва Шӯрои мазкурро дар бахшҳои сиёсӣ, тиҷоратӣ, иқтисодӣ ва сармоягузорӣ баррасӣ карданд.
Дар доираи сафар Ёддошти тафоҳуми ҳамкорӣ миёни Вазорати корҳои хориҷии Ҷумҳурии Тоҷикистон ва Дабирхонаи кулли Шӯрои ҳамкории кишварҳои арабии Халиҷ ба имзо расид.
Акс: ВКХ ҶТ