-13.3 C
Tajikistan
Friday, December 9, 2022

Ваколатдор оид ба ҳуқуқи инсон: Дар шашмоҳаи аввал ягон муроҷиат оид ба зӯроварӣ нисбат ба кӯдакон ворид нашудааст

Дар шаш моҳи аввали соли равон ба Мақомоти Ваколатдор оид ба ҳуқуқи инсон ягон муроҷиат оид ба зӯроварӣ нисбат ба кӯдакон ворид нашудааст. Дар ин бора имрӯз Ваколатдор оид ба ҳуқуқи инсон дар Ҷумҳурии Тоҷикистон Умед Бобозода зимни нишасти матбуотӣ ба хабарнигорон иттилоъ дод.

Ба гуфтаи Умед Бобозода, «дар давраи ҳисоботӣ ба дастгоҳи марказии Ваколатдор оид ба ҳуқуқи инсон ягон муроҷиат оид ба ба зӯроварӣ нисбат ба кӯдакон ворид нашудааст. Ин дар ҳолест, ки дар ҳамин давраи соли гузашта миқдори ин гуна муроҷиатҳо 3 адад буд».

Тавре Ваколатдор оид ба ҳуқуқи инсон иброз дошт, «яке аз омилҳои коҳиш ёфтани содиршавии ҷиноят, аз ҷумла зӯроварӣ нисбат ба кӯдакон- ин зери назорати ҷиддӣ гирифтани ин масъала аз ҷониби Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ мебошад».

Зикр карда шуд, ки кӯдакон пайваста зери ҳимоя ва ғамхории Сарвари давлат муҳтарам Эмомалӣ Раҳмон қарор дошта, баҳри ҳамаҷониба дастгирӣ ва ҳамчун насли баркамолу пешқадам рушд ёфтани онҳо тамоми шароит фароҳам оварда шудааст.

Ба гуфтаи сардори шуъбаи ҳифзи давлатии ҳуқуқҳои кӯдаки дастгоҳи Ваколатдор оид ба ҳуқуқи инсон дар Ҷумҳурии Тоҷикистон Суҳайлӣ Қодирӣ, мисоли рӯшани ин гуфтаҳо- ин шоми 25 июли соли равон бо супориши бевоситаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ватан баргардонида шудани 146 нафар шаҳрвандони Тоҷикистон аз Сурия ба шумор меравад. Ҳадафи асосии ин иқдом- раҳо кардани кӯдакони тоҷик аз бесарнавиштӣ, баргардонидани онҳо аз диёри ғурбат ва ворид шуданашон ба ҳаёти осоишта дар кишвар мебошад.

«Метавон гуфт, ки беҳтарин тадбире, ки Ҳукумати Ҷумҳурии Тоҷикистон нисбат ба шаҳрвандони Тоҷикистон, ки дар Сурия ҳастанд, амалӣ менамояд- ин  иқдоми ба Ватан баргардонидани онҳост. Ва бояд гуфт, ки марҳилаи мутобиқ шудани онҳо ба муҳити кишвар раванди давомдор буда, аллакай аз ҷониби равоншиносон корҳо амалӣ карда мешаванд. Инчунин баҳри ояндаи дурахшони онҳо нақшаи бисёр хуб аз ҷониби Пешвои миллат муҳтарам Эмомалӣ Раҳмон таҳия карда шудааст, ки 3 марҳиларо дар бар мегирад»,-зикр намуд С. Қодирӣ.

Иттилоъ дода шуд, ки дар давраи ҳисоботӣ 835 адад муроҷиати шахсони воқеӣ ва ҳуқуқӣ қабул ва баррасӣ гардида, дар шаҳру навоҳӣ ва минтақаҳои дурдасти аҳолинишин 60 машварати сайёри ҳуқуқӣ бо ҷалби 3000  шаҳрвандон гузаронида ва ҷиҳати таъмини ҳуқуқҳои мурофиавии шаҳрвандон иштироки кормандони мақомоти ВҲИ дар 6 мурофиаи судӣ таъмин карда шуд.

Инчунин  бо мақсади такмил додани қонунгузории миллӣ аз ҷониби Ваколатдор оид ба ҳуқуқи инсон дар Ҷумҳурии Тоҷикистон ба 26 санади меъёрии ҳуқуқӣ хулосаҳои дахлдор пешниҳод карда шуданд.

АКС: АМИТ «Ховар»

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....