4.4 C
Tajikistan
Tuesday, August 9, 2022

Шумораи сайёҳони хориҷӣ дар Тоҷикистон қариб 3 маротиба афзудааст

Соли равон ба Тоҷикистон тақрибан 370 ҳазор нафар сайёҳони хориҷӣ ташриф овардаанд, ки ин омор нисбат ба ҳамин давраи соли гузашта 238 ҳазор ё қариб 2,9 маротиба зиёд мебошад. Дар ин бора ба намояндагони расонаҳои хабарӣ 28 июл зимни нишасти матбуотӣ Раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода иттилоъ дод.

Зикр гардид, ки аз шумораи умумии сайёҳони хориҷӣ 344 ҳазор нафар шаҳрвандони кишварҳои Иттиҳоди Давлатҳои Мустақил ва 22, 1 ҳазор нафар сайёҳон аз кишварҳои хориҷи дур, назири Амрико, Фаронса, Олмон, Туркия, Чин, Арабистони Саудӣ, Аморати Муттаҳидаи Араб ва дигар давлатҳо мебошанд.

«Чун Тоҷикистон сарзамини кӯҳҳои баланд ва табиати нотакрор аст, аз ин рӯ сайёҳони хориҷӣ бештар ба тамошои қуллаҳои баланди кӯҳҳои Тоҷикистон, аз қабили кӯҳҳои Помир, Фон, Ҳисор ва тамошои дигар зарфиятҳои табиати биҳиштосои Тоҷикистон меоянд»,-гуфт Тоҷиддин Ҷӯразода. Инчунин зикр гардид, ки сайёҳони хориҷиро фарҳанги бою пурғановати мардуми Тоҷикистон, ки «сарзамини дарёҳои тиллоӣ» унвон намудаанд ва чун бренд барои ҷалби сайёҳони хориҷӣ қабул гардидааст, бештар ҷалб менамояд.

Ҳамзамон сайёҳони хориҷӣ ҳангоми боздид аз Тоҷикистон бештар ба сайёҳии кӯҳнавардӣ, шиноварӣ, дарёнавардӣ, шикор, моҳидорӣ, аспсаворӣ, саёҳати экстрималӣ-ҷипсаворӣ, боздид ва тамошои маконҳои фарҳангию фароғатии ҷумҳурӣ, ки солҳои охир хеле рушд намудаанд, машғул мешаванд.

Бо натиҷагирӣ аз фаъолияти Кумитаи рушди сайёҳии назди Ҳукумати мамлакат Тоҷиддин Ҷӯразода афзуд, ки «Кумитаи рушди сайёҳии назди Ҳукумати Ҷумҳурии Тоҷикистон дар ин давра фаъолияти худро дар доираи Стратегияи рушди сайёҳӣ дар Ҷумҳурии Тоҷикистон барои давраи то соли 2030 ва нақшаи чорабиниҳои марҳилаи аввали он барои солҳои 2019-2022 ба роҳ монда, бо мақсади рушди соҳа, муаррифии имконияти сайёҳии мамлакат дар дохил ва хориҷи ҷумҳурӣ, эҳё ва рушди ҳунарҳои мардумӣ, беҳтар гардидани симои сайёҳии Ватанамон дар арсаи байналмилалӣ ва ҷалби сармоя ба рушди инфрасохтори соҳа чорабиниҳои сатҳи миллию байналмилалӣ баргузор намуд. Аз ҷумла, дар ин давра Кумита ва ширкатҳои сайёҳии мамлакат дар даҳ намоишгоҳи байналмилалии сайёҳие, ки дар кишварҳои Русия, Туркия, Арабистони Саудӣ, Кореяи Ҷанубӣ, Эрон, Аморати Муттаҳидаи Араб баргузор гардиданд, иштирок намуда, зарфияти Тоҷикистонро ҳамчун сарзамини сайёҳӣ муаррифӣ намуданд”.

Тоҷиддин Ҷӯразода зикр намуд, ки ҳоло дар Тоҷикистон 288 субъекти хизматрасонии сайёҳӣ, аз ҷумла 182 меҳмонхона, 29 ҳостел ва мотел, 50 осоишгоҳ, 6 осоишгоҳи кӯдакона ва лагерҳои солимгардонӣ, 7 марказҳои муолиҷавӣ ва дармонгоҳҳои солимгардонӣ, 8 хонаи истироҳатӣ, 1 пансионат ва кемпинг, инчунин 5 пойгоҳи сайёҳӣ ва истироҳатӣ фаолият доранд.

Инчунин соли равон шаш маротиба ҷаласаи Комиссияи иҷозатномадиҳии фаъолияти сайёҳӣ доир гардида, ба 6 ширкат иҷозатномаи фаъолияти сайёҳӣ пешкаш ва муҳлати фаъолияти 20 ширкати сайёҳӣ тамдид гардид. Алҳол дар маҷмӯъ дар Тоҷикистон 242 ширкати сайёҳӣ ба қайд гирифта шудаанд, ки 49 ададаш дар Бадахшон, 41 адад дар Суғд, 18 адад дар Хатлон, 116 адад шаҳри дар Душанбе ва 18 адад дар шаҳру навоҳии тобеи марказ фаъолияти густурда доранд.

Бо дахли ҳамкории байналмилалии Кумитаи рушди сайёҳии назди Ҳукумати Ҷумҳурии Тоҷикистон бо идораҳои сайёҳии кишварҳои хориҷӣ Раиси Кумитаи рушди сайёҳӣ иброз намуд, ки “то имрӯз Кумита бо 12 мамлакат, аз қабили Амороти Муттаҳидаи Араб, Шри-Ланка, Шоҳигарии Ҳошимии Урдун, Узбекистон, Қазоқистон, Русия, Швейтсария, Фаронса, Кувайт, Туркманистон, Эрон ва Покистон созишномаҳои ҳамкорӣ ва ёддоштҳои тафоҳум ба имзо расонида, бо ин кишварҳо дар бахши сайёҳӣ ҳамкории дуҷониба ба роҳ мондааст”.

Latest news

ОЛИМПИАДАИ ШОҲМОТ ДАР ҲИНДУСТОН. Дастаи мардонаи Узбекистон дар ҷадвали мусобиқа пешсаф шуд, дастаи мунтахаби Тоҷикистон дар ҷои 77-ум қарор дорад

Дирӯз, 7 август, дар Олимпиадаи 44-уми шоҳмот дар Ченнайи Ҳиндустон даври 9-ум ба анҷом расид. Дастаи мардонаи Тоҷикистон пас аз шикаст дар...

ДЗЮДО. Ҳафт нафар паҳлавонони ҷавони тоҷик дар Чемпионати ҷаҳон дар Эквадор ширкат меварзанд

 Аз 10 то 13 август дар шаҳри Гуаякили кишвари Эквадор Чемпионати ҷаҳон оид ба гӯштини дзюдо миёни ҷавонон (Guayaquil World Championships Juniors...

АҲСАН! Сомон, Шодмон ва Темур аз Чемпионати Осиё оид ба гӯштини дзюдо бо медал бармегарданд

Аз 4 то 7 август дар шаҳри Нур-Султони Қазоқистон Чемпионати Осиё оид ба гӯштини дзюдо баргузор шуд, ки варзишгарони мо сазовори се...

Дар ноҳияи Данғара намоиши сайёри «Тоҷикистон–кишвари дарёҳои тиллоӣ» ифтитоҳ гардид

Имрӯз дар Осорхона — мамнӯъгоҳи ҷумҳуриявии ноҳияи Данғара шакли хурди намоиши сайёри «Тоҷикистон — кишвари дарёҳои тиллоӣ» ифтитоҳ гардид.

Related news

ОЛИМПИАДАИ ШОҲМОТ ДАР ҲИНДУСТОН. Дастаи мардонаи Узбекистон дар ҷадвали мусобиқа пешсаф шуд, дастаи мунтахаби Тоҷикистон дар ҷои 77-ум қарор дорад

Дирӯз, 7 август, дар Олимпиадаи 44-уми шоҳмот дар Ченнайи Ҳиндустон даври 9-ум ба анҷом расид. Дастаи мардонаи Тоҷикистон пас аз шикаст дар...

ДЗЮДО. Ҳафт нафар паҳлавонони ҷавони тоҷик дар Чемпионати ҷаҳон дар Эквадор ширкат меварзанд

 Аз 10 то 13 август дар шаҳри Гуаякили кишвари Эквадор Чемпионати ҷаҳон оид ба гӯштини дзюдо миёни ҷавонон (Guayaquil World Championships Juniors...

АҲСАН! Сомон, Шодмон ва Темур аз Чемпионати Осиё оид ба гӯштини дзюдо бо медал бармегарданд

Аз 4 то 7 август дар шаҳри Нур-Султони Қазоқистон Чемпионати Осиё оид ба гӯштини дзюдо баргузор шуд, ки варзишгарони мо сазовори се...

Дар ноҳияи Данғара намоиши сайёри «Тоҷикистон–кишвари дарёҳои тиллоӣ» ифтитоҳ гардид

Имрӯз дар Осорхона — мамнӯъгоҳи ҷумҳуриявии ноҳияи Данғара шакли хурди намоиши сайёри «Тоҷикистон — кишвари дарёҳои тиллоӣ» ифтитоҳ гардид.