-13.3 C
Tajikistan
Friday, December 9, 2022

Корпоратсияи байналмилалии молиявӣ ва «Бонки Эсхата» ҷиҳати дастгирии соҳибкории хурд дар Тоҷикистон ба ҳамкорӣ оғоз намуданд

Корпоратсияи байналмилалии молиявӣ (IFC) ва Ҷамъияти саҳомии кушодаи «Бонки Эсхата» барои кумак ба соҳибкорони хурд ҷиҳати барқарорсозии фаъолияташон пас аз зарари пандемияи COVID-19 ба  иқтисодиёт ва мутобиқ шудан ба муҳити пасазбуҳронӣ ба ҳамкорӣ оғоз намуданд, хабар медиҳад МД «Ҷаҳоннамо» бо истинод ба ҶСК «Бонки Эсхата».

IFC ба бонки мазкур муодили 10 миллион доллари амрикоӣ бо сомонӣ маблағ ҷудо намуда, ба ин восита барои маблағгузории шумораи бештари соҳибкорони микро, хурд ва миёна имконият фароҳам меорад.

Раиси Раёсати бонк Райнер Мюллер-Ханке зикр намуд, ки «Бонки Эсхата» таърихан ба пешниҳоди хизматрасониҳои баландсифат ба мизоҷон аз ҳисоби соҳибкорони микро, хурд ва миёна, ки ба хизматрасониҳо дастрасии пурра надоранд, эътибори хосса медиҳад. Бо истифода аз ин маблағгузорӣ бо асъори миллӣ бонк метавонад дастрасии муштариёни мавриди ҳадафашро ба маблағгузории дастрас бо пули тоҷикӣ, ки дар бозор камёб аст, беҳтар намояд. Ин иқдом ба онҳо ҷиҳати аз таъсири буҳрони COVID-19 раҳо шудан ва рушди минбаъда, ҳамзамон бо таъсиси ҷойҳои нави корӣ ва гузоштани саҳм дар рушди соҳибкорӣ дар кишвар имконият фароҳам меорад».

Менеҷери минтақавии IFC дар Осиёи Марказӣ Кассандра Колберт тазаккур дод, ки дастрасии нокифоя ба маблағгузорӣ имконоти соҳибкорони микро, хурд ва миёнаро барои рушди соҳибкорӣ маҳдуд мекунад. Лоиҳаи мазкур бо стратегияи васеи IFC дар Тоҷикистон ҷиҳати ҳалли мушкилоти соҳибкорони хурд вобаста ба маблағгузорӣ мувофиқат мекунад.

«Мо боварӣ дорем, ки ин маблағгузорӣ ба муштариёни «Бонки Эсхата» барои суръат бахшидан ба рушди соҳибкорӣ ва дастгирии талошҳои онҳо барои густариши фаъолият дар давраи барқароршавӣ баъд аз пандемияи COVID-19 мусоидат хоҳад кард»,-гуфт ӯ.

Ба зикри Кассандра Колберт, ҳамкорӣ бо «Бонки Эсхата» дар доираи Барномаи IFC «Пойгоҳи пирамида» ба роҳ монда шудааст. Он соли 2020 ифтитоҳ гардида, ба пешниҳодкунандагони хизматрасониҳои молиявӣ дар пешниҳоди маблағ ба соҳибкорони хурд, соҳибкорони ғайрирасмӣ ва хонаводаҳои камдаромад, ки аз таназзули иқтисодӣ дар натиҷаи пандемияи COVID-19 осеб дидаанд, кумак мекунад.

Мавриди зикр аст, ки муносибатҳои IFC бо «Бонки Эсхата» аз соли 2005 оғоз ёфтаанд. Корпоратсия узви гурӯҳи Бонки ҷаҳонӣ буда,  бузургтарин муассисаи ҷаҳонии рушд аст, ки ба тараққиёти бахши хусусӣ дар бозорҳои ташаккулёфтаистода нигаронида шуда, дар зиёда аз 100 кишвари ҷаҳон фаъолият мекунад.

АКС: ҶСК «Бонки Эсхата»

Latest news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....

Related news

Дар Будапешт ҷаласаи Комиссияи муштараки Тоҷикистон ва Маҷористон оид ба ҳамкории иқтисодӣ доир гардид

Дар шаҳри Будапешти Ҷумҳурии Маҷористон ҷаласаи 2-юми Комиссияи байниҳукуматии Тоҷикистон ва Маҷористон оид ба ҳамкории иқтисодӣ баргузор гардид, ки дар он масъалаҳои...

Тоҷикистон ва Юнон муносибатҳои дуҷониба ва бисёрҷонибаро рушд медиҳанд

 Муносибатҳои дуҷониба ва бисёрҷонибаи Тоҷикистон ва Юнон 1 декабр дар мулоқоти вазирони корҳои хориҷии ҳар ду кишвар Сироҷиддин Муҳриддин ва Никос Дендиас...

Тоҷикистон ва Финляндия масъалаҳои марбут ба амнияти минтақавиро муҳокима намуданд

Имрӯз, 1 декабр дар шаҳри шаҳри Лодзи Лаҳистон вохӯрии вазирони корҳои хориҷии Тоҷикистон ва Финляндия Сироҷиддин Муҳриддин ва Пекка Ҳаависто доир гардид....

Сироҷиддин Муҳриддин ва Мевлут Чавушоғлу дурнамои рушди муносибатҳои Тоҷикистон ва Туркияро баррасӣ карданд

 Имрӯз, 1 декабр дар шаҳри шаҳри Лодзи Ҷумҳурии Лаҳистон мулоқот  вазирони корҳои хориҷии Тоҷикистон ва Туркия Сироҷиддин Муҳриддин Мевлут Чавушоғлу баргузор гардид....